Udayshivakumar Infra Share Price | हा IPO शेअर ग्रे मार्केटमध्ये मजबूत वाढतोय, लिस्टिंगच्या दिवशीच गुंतवणुकदार होणार मालामाल

Udayshivakumar Infra Share Price | ‘उदयशिवकुमार इन्फ्रा’ या रस्ते बांधकाम करणाऱ्या कंपनीच्या IPO ला लोकांनी मजबूत प्रतिसाद दिला आहे. या कंपनीचा IPO एकूण 32.49 पट सबस्क्राइब झाला आहे. ‘उदयशिवकुमार इन्फ्रा’ कंपनीच्या IPO मध्ये किरकोळ गुंतवणूकदारांसाठी राखीव ठेवण्यात आलेला कोटा 14.95 पट सबस्क्राइब झाला आहे. तर पात्र संस्थांसाठी राखीव ठेवण्यात आलेला कोटा 42.92 पट सबस्क्राईब झाला आहे. गैर संस्थागत गुंतवणूकदारांसाठी राखीव ठेवण्यात आलेला कोटा 64.08 पट सबस्क्राईब झाला आहे. ‘उदयशिवकुमार इन्फ्रा’ कंपनीचा IPO 20 मार्च 2023 ते 23 मार्च 2023 पर्यंत गुंतवणुकीसाठी खुला करण्यात आला होता. या कंपनीच्या आयपीओने ग्रे मार्केटमध्येही शानदार कामगिरी केली आहे. (Udayshivakumar Infra Limited)

शेअरची अंदाजित लिस्टिंग किंमत :
‘उदयशिवकुमार इन्फ्रा’ कंपनीचे शेअर्स 45 रुपये किमतीवर सूचीबद्ध होतील असा विश्वास तज्ञांनी व्यक्त केला आहे. ‘उदयशिवकुमार इन्फ्रा’ कंपनीच्या IPO मध्ये शेअरची किंमत 33-35 रुपये निश्चित करण्यात आली होती. ग्रे मार्केटमध्येही या कंपनीच्या शेअर्सला अप्रतिम प्रतिसाद मिळाला आहे. शेअर बाजारातील तज्ज्ञांचे म्हणणे आहे की, ‘उदयशिवकुमार इन्फ्रा’ कंपनीचे शेअर्स ग्रे मार्केटमध्ये 10 रुपये प्रीमियम किमतीवर ट्रेड करत आहेत. जर या कंपनीचे शेअर्स 35 रुपयेच्या अप्पर प्राइस बँडवर इश्यू केले गेले आणि ग्रे मार्केटमध्ये स्टॉक 10 रुपयेवर टिकला, तर हा स्टॉक लिस्टिंगच्या पहिल्याच दिवशी 45 रुपयेवर सूचीबद्ध होऊ शकतो. म्हणजेच, या कंपनीचे शेअर्स 30 टक्के वाढीसह सूचीबद्ध होऊ शकतात.

‘उदयशिवकुमार इन्फ्रा’ कंपनीच्या IPO मध्ये किरकोळ गुंतवणूकदार कमाल 13 लॉटसाठी पैसे लावू शकत होते. कंपनीने एका लॉटमध्ये 428 शेअर्स जारी केले आहेत. म्हणजेच 13 लॉटमध्ये एकूण 5564 शेअर्स मिळतील. 13 लॉटसाठी गुंतवणूकदारांना एकूण 194740 रुपये जमा करावे लागले. तर 1 लॉटसाठी गुंतवणूकदाराला 14980 रुपये जमा करावे लागले होते. ‘उदयशिवकुमार इन्फ्रा’ कंपनी IPO मधील शेअर्सचे वाटप 28 मार्च 2023 रोजी पूर्ण होणार आहे. त्याच वेळी या कंपनीचे शेअर्स 3 एप्रिल 2023 रोजी शेअर बाजारात सूचीबद्ध होतील. या IPO च्या माध्यमातून कंपनी 66 कोटी रुपये भांडवल उभारणी करत आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Udayshivakumar Infra Share Price on 24 March 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.