मोदींना जोरदार चपराक देण्याची इच्छा, ममता-मोदी वर्ड वॉर

सध्या देशात लोकसभा निवडणुकीचे वारे वाहत आहेत. तसेच लोकसभा निवडणुकीतील ‘वर्ड वॉर’ जरा जास्तच पेटले आहे. पश्चिम बंगालच्या मुख्यमंत्री ममता बॅनर्जी आणि पंतप्रधान नरेंद्र मोदी यांच्यातील शाब्दीक चकमक काही थांबता थांबेना. जय श्रीरामच्या घोषणेवरून मोदींनी केलेल्या टीकेला उत्तर देताना ममता म्हणाल्या म्हणाल्या, ‘मोदी हे दुर्योधन आणि रावनाचा अवतार आहेत’. त्यांना लोकशाहीची जोरदार चपराक मारावी वाटते, असंही त्या पुढे म्हणाल्या.

पंतप्रधान मोदींनी एका सभेत म्हटले होते की, पश्चिम बंगालमध्ये ‘जय श्रीराम’ बोलणाऱ्यांना अटक करण्यात येते. पश्चिम बंगालमध्ये देवाचं नाव घेण्यास बंदी आहे. त्यावर ममता बॅनर्जी यांनी मोदींवर जोरदार टीका केली. जेव्हा मोदी म्हणाले तृणमूल काँग्रेस हा गुंडांचा पक्ष आहे, त्याचवेळी मनात आले की मोदींना जोरदार चपराक लागवावी. आजपर्यंत असा खोटारडा पंतप्रधान मी पाहिला नाही. निवडणुका आल्या की यांना राम आठवतो, अच्छे दिनचे स्वप्न दाखवले आणि नोटबंदी केली, अशी घणाघाती टीका ममता यांनी केली.

पुढे त्या म्हणाल्या मी स्वत:ला विकून राजकारण करत नाही तसेच मी कुणालाही घाबरत नसून निडरपणे जगते. मोदी केवळ दंगे भडकवण्यात आग्रेसर आहेत, धर्माच्या नावावर जनतेत फूट पाडत असल्याची टीका देखील ममता यांनी मोदींवर केली.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.