देशाची संसद हा जनतेचा आवाज असतो, मात्र संसद भवनाच्या उद्घाटनाला पंतप्रधान स्वतःचा राज्याभिषेक समजत आहेत - राहुल गांधी

New Parliament Inauguration | पंतप्रधान नरेंद्र मोदी यांच्या हस्ते रविवारी संसदेच्या नव्या इमारतीचे उद्घाटन करण्यात आले. तर विरोधी पक्षाचा या कार्यक्रमात सहभाग नाही. उद्घाटन समारंभानंतर विरोधकांनी मोदी सरकारवर हल्लाबोल करत या कार्यक्रमाला राज्याभिषेक असल्याचे म्हटले आहे.

संसद हा जनतेचा आवाज
काँग्रेस नेते राहुल गांधी म्हणाले, ‘देशाची संसद हा जनतेचा आवाज असतो. संसद भवनाच्या उद्घाटनाला पंतप्रधान राज्याभिषेक मानत आहेत. पंतप्रधान नरेंद्र मोदी यांनी संसदेच्या नव्या इमारतीचे उद्घाटन केल्यानंतर राष्ट्रपती द्रौपदी मुर्मू यांना या ऐतिहासिक कार्यक्रमापासून दूर ठेवण्यात आल्याचा आरोप विरोधी पक्षांनी केला आहे.

काँग्रेसची तीव्र शब्दात टीका
संसदीय परंपरेचा तिरस्कार करणाऱ्या एका स्वाभिमानी हुकूमशहाने नव्या संसद भवनाचे उद्घाटन केले आहे, अशी टीका काँग्रेसने गुरुवारी पंतप्रधान नरेंद्र मोदी यांच्यावर केली. पक्षाचे सरचिटणीस जयराम रमेश यांनी ही आरोप केला की, राष्ट्रपती पद भूषवणाऱ्या पहिल्या आदिवासी द्रौपदी मुर्मू यांना त्यांचे घटनात्मक कर्तव्य पार पाडू दिले जात नाही.

पंतप्रधान नरेंद्र मोदी यांनी रविवारी सकाळी नवीन संसद भवनाचे उद्घाटन केले. काँग्रेसचे सरचिटणीस के. सी. वेणुगोपाल यांनी ट्विट केले की, “तत्कालीन राष्ट्रपती रामनाथ कोविंद यांना नवीन संसद भवनाच्या पायाभरणी सोहळ्यापासून दूर ठेवण्यात आले होते. उद्घाटन समारंभात राष्ट्रपती द्रौपदी मुर्मू यांना डावलण्यात आले.

ही आरएसएसची मानसिकता
ही आरएसएसची मागास समाजविरोधी आणि उच्चवर्णीय मानसिकता आहे. त्यामुळेच रामनाथ कोविंद आणि द्रौपदी मुर्मू यांना सर्वोच्च घटनात्मक पदावर विराजमान होण्यासाठी योग्य तो सन्मान देण्यात आला नाही. वेणुगोपाल यांनी दावा केला की, कोविंद आणि मुर्मू यांना जाणीवपूर्वक वगळणे हा पुरावा आहे की पंतप्रधान मोदींनी त्यांचा निवडणुकीच्या फायद्यासाठी वापर केला परंतु त्यांना अशा ऐतिहासिक प्रसंगाचा भाग होऊ दिले नाही.

News Title: Congress leader Rahul Gandhi criticized on PM Narendra Modi after new parliament inauguration details 28 May 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.