Gold Rate Today | बापरे! सोन्याचा भाव विचारू नका, 1 तोळा होणार 1 लाख रुपयांच्या पार, महत्वाची अपडेट आली

Gold Rate Today | 2024 मध्ये सोन्या-चांदीबाबत बरीच खळबळ उडाली आहे. सोन्याच्या दरात मोठी उलथापालथ झाली आहे. यंदा सोन्याच्या किंमतीने आतापर्यंतचा उच्चांक मोडला आहे. सोने दररोज नवनवीन विक्रम करत असताना चांदीचा भाव एक लाखांचा टप्पा ओलांडण्यासाठी आतुर आहे. सोने 7416.60 रुपये प्रति 10 ग्रॅमवर पोहोचले आहे, तर चांदीने 90 हजारांचा टप्पा ओलांडला आहे. चांदीचा भाव 88,010 रुपये प्रति किलोग्रॅम वर पोहोचला आहे.

सोने 1 लाखांच्या पुढे जाईल
सोने आणि चांदी नेहमीच सुरक्षित गुंतवणूक म्हणून गणली जाते. सोन्यात जोखीम कमी असते, त्यामुळे लोक त्याचा आपल्या पोर्टफोलिओमध्ये समावेश करतात. बाजारातील अनिश्चिततेत सोने आणि चांदी ही सुरक्षित गुंतवणूक मानली जाते. कठीण काळात हा मौल्यवान धातू सहज विकला जातो. जगभरातील मध्यवर्ती बँका आपल्या सोन्याचा साठा वाढवत आहेत. चीनही वेगाने सोने खरेदी करत आहे.

मोठ्या मागणीमुळे सोन्याच्या दरात सातत्याने वाढ होत आहे. सोन्याने 75 हजारांचा टप्पा ओलांडला आहे. जाणकारांच्या मते, येत्या काही दिवसांत सोन्याच्या दरात आणखी वाढ होऊ शकते.

‘या’ कारणांमुळे अधिक चमकणार सोनं
ऑल इंडिया जेम अँड ज्वेलरी डोमेस्टिक कौन्सिलचे अध्यक्ष सय्यद मेहरा आणि उपाध्यक्ष राजेश गोखले यांनी सोन्याच्या किंमतींवर एका टीव्ही कार्यक्रमात सांगितले की, येत्या काही दिवसांत सोन्याचे दर आणखी वाढू शकतात. ते म्हणाले की, जगभरातील विविध देशांमध्ये निवडणुका होत आहेत, रशिया-युक्रेन युद्धामुळे जागतिक बाजारपेठेवर दबाव आहे. अमेरिकेच्या मध्यवर्ती बँक फेडरल रिझर्व्हकडून व्याजदरात कपात होण्याची शक्यता असल्याने सोन्याच्या दरात तेजी राहण्याची शक्यता आहे.

मात्र, भाववाढीमुळे सोन्याची खरेदी कमी होणार नाही, असेही ते म्हणाले. ग्राहकांचा सोन्यावरील विश्वास वाढला आहे. ज्या प्रकारे सोन्याची मागणी वाढली आहे, त्यामुळे येत्या काळात सोन्याचा भाव प्रति 10 ग्रॅम प्रचंड वाढेल असं त्यांनी म्हटले. सोन्यातील ही तेजी यापुढेही कायम राहणार आहे.

सोने 1 लाखांचा टप्पा कधी ओलांडणार?
मुथूट फायनान्सच्या अहवालानुसार, ज्या पद्धतीने सोन्याच्या किंमतीत वाढ होत आहे, त्यामुळे 2029 सालापर्यंत सोने प्रति 10 ग्रॅम 1 लाख रुपयांचा आकडा पार करेल, असे मानले जात आहे. रिपोर्टनुसार, सोन्याचा भाव 1,01,789 रुपयांवर पोहोचेल. केडिया अॅडव्हायजरीचे संचालक अजय केडिया यांनी सांगितले की, मध्यपूर्वेतून वाढत असलेले नवे जागतिक संकट पाहता 2024 च्या अखेरपर्यंत सोने सुमारे 1 लाख रुपयांपर्यंत पोहोचू शकते, असा अंदाज आहे.

चांदीच्या दरातही चमक येईल
चांदी आधीच 90 हजारांच्या उंबरठ्यावर उभी आहे. येत्या काही दिवसांत त्यात आणखी वाढ होण्याची शक्यता असून, या वेगाने भाव वाढले तर चांदी यंदाच 1 लाखांचा टप्पा पार करेल, असे मानले जात आहे. चांदीचा वापरही झपाट्याने वाढत आहे. भांडी, इलेक्ट्रिक वाहनांमधील अनेक घटकांमध्ये चांदीचा वापर वाढत आहे. त्यामुळे त्याच्या किमतीत ही वाढ होण्याची शक्यता वाढली आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title :  Gold Rate Today check details on 17 June 2024.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.