भारताचे माजी अष्टपैलू कसोटीपटू बापू नाडकर्णी यांचे मुंबईत निधन

मुंबई: भारताचे माजी अष्टपैलू कसोटीपटू बापू नाडकर्णी यांचे मुंबईत वृद्धापकाळाने निधन झाले. ते ८७ वर्षांचे होते. त्यांच्या पश्चात पत्नी, मुलगी, जावई, नातू असा परिवार आहे. बापू नाडकर्णी पवईतील हिरानंदानी गार्डन येथे मुलीकडे राहत होते. तिथेच आज त्यांची प्राणज्योत मालवली. बापूंच्या निधनाने एक बुजुर्ग आणि भारतीय क्रिकेट विश्वातील जुनाजाणता क्रिकेटपटू काळाच्या पडद्याआड गेला आहे.

Former India all-rounder Bapu Nadkarni, best known for bowling 21 consecutive maiden overs in a Test match, passed away in Mumbai on Friday. #CRICKET #BCCI

— Press Trust of India (@PTI_News) January 17, 2020

महाराष्ट्राच्या नाशिक जिल्ह्यात ४ एप्रिल १९३३’मध्ये बापू नाडकर्णी यांचा जन्म. रमेशचंद्र गंगाराम नाडकर्णी असे त्यांचे पूर्ण नाव, परंतु क्रिकेटविश्व त्यांना बापू नाडकर्णी याच नावाने ओळखतं. त्यांनी ४१ कसोटी २५.७०च्या सरासरीनं एक शतक आणि ७ अर्धशतकांसह १४१४ धावा केल्या, तर गोलंदाजीत २९.०७च्या सरासरीनं ८८ विकेट्स घेतल्या. १९६८’मध्ये त्यांनी अखेरचा कसोटी सामना खेळला होता.

१२ जानेवारी १९६४ रोजी बापू नाडकर्णी यांनी इंग्लंडविरुद्ध एकही धावा न करता सलग १३१ चेंडू टाकले होते. हा सामना मद्रास (आताचे चेन्नई) येथे खेळला गेला, त्या सामन्यात भारताने पहिल्या डावात ४५७ धावा केल्या होत्या. त्या सामन्यात इंग्लंडच्या पहिल्या डावादरम्यान बापू यांनी एकूण २९ षटके टाकली होती, त्यामध्ये २६ ओव्हर मेडन होत्या.

Web Title:  Former Indian Cricket team all rounder test cricketer Bapu Nadkarni passes away in Mumbai.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.