कणकवलीत रोज १५० लोकांसाठी मोफत कमळ थाळीला सुरुवात

कणकवली, १४ एप्रिल: राज्यात दर दिवशी जवळपास ७००-८०० च्या घरात वाढत चाललेली कोरोना रुग्णांची संख्या पाहता उद्या संपणारा केंद्र सरकारचा लॉकडाऊन वाढविण्याची वेळ राज्य सरकारवर आलेली आहे. राज्यात मुंबई-पुणे सर्वाधिक बाधित असले तरीही उपराजधानी नागपूरमध्येही रुग्णांचा आकडा ४९ वर गेलेला आहे. यामुळे राज्यात उद्यापासून पुढील दोन आठवडे म्हणजेच ३० एप्रिलपर्यंत लॉकडाऊन वाढविण्याची घोषणा मुख्यमंत्री उद्धव ठाकरे यांनी केली आहे. दरम्यान या लॉकडाउन’मध्ये गरीब नागरिकांचे मोठ्या प्रमाणावर जेवणाचे हाल झाले आहेत. त्यानिमित्त महाविकास आघाडी सरकारने शिवभोजन योजना मोठ्याप्रमाणावर कार्यान्वित केली आहे.

त्यानंतर पुणे जिल्हा परिषदेनं कोरोनाच्या पार्श्वभूमीवर ‘शरज भोजन योजने’ची सुरूवात केली आहे. निराधार दिव्यांग, वृद्ध नागरिक आणि निराधार दुर्धर आजारग्रस्तांसाठी ही योजना असल्याचं सांगण्यात आलं आहे. याअंतर्गत त्यांना दोन वेळचं जेवण पुरवलं जाणार आहे. तसंच गरजू लोकांपर्यंत ही योजना पोहोचवण्याचं आवाहन जिल्हा परिषदेच्या समाज कल्याण विभागाद्वारे करण्यात आलं आहे. यावरून आता नितेश राणे यांनी टीका केली होती.

आता नितेश राणे यांनी कमळ थाळीची घोषणा केली आहे. कणकवली शहरामध्ये नगरपंचायतीच्या सहकार्याने उद्या बुधवारपासून दररोज १५० लोकांसाठी ‘कमळ’ थाळी देण्यात येणार असल्याची घोषणा नितेश राणे यांनी केली आहे. महत्वाचे म्हणजे या थाळीसाठी एकही रुपया मोजावा लागणार नाही. ही थाली विनामुल्य असणार आहे. कोरोना संकटाच्या काळात गरिबांना ”कमळ” थाळीमुळे नक्कीच दिलासा मिळेल, असा विश्वास नितेश राणे यांनी व्यक्त केला आहे.

कणकवली शहरात आम्ही कणकवली नगरपंचायतीच्या सहकार्याने उद्या पासून रोज १५० लोकांसाठी “कमळ” थाळी सुरु करीत आहोत.
ही थाळी विनामुल्य असणार.
मला विश्वास आहे या संकटाच्या काळात गरिबांना “कमळ” थाळीमुळे नक्कीच मदत होईल!

— nitesh rane (@NiteshNRane) April 14, 2020

News English Summary: Now Nitesh Rane has announced the lotus plate. Nitesh Rane has announced that a lotus plate will be provided for 150 people every day from Wednesday with the help of the municipality in Kankavali city. It is important that you do not have to pay a single rupee for this plate. This plate is going to be free. Nitesh Rane believes that the “lotus” plate will provide comfort to the poor during the Corona crisis.

News English Title: Story BJP MLA Nitesh Rane announced free Kamal Thali Kankavli against Shivbhojan Thali Covid19 News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.