चिंता वाढली! राज्यात कोरोना बाधित रुग्णांचा आकडा अडीच हजारांवर

मुंबई, १४ एप्रिल: राज्यातील करोना रुग्णांची संख्या दिवसागणिक कमी होताना दिसत नाहीत. राज्यात रोज सरासरी शंभर करोनाचे रुग्ण सापडत असल्याने आरोग्य यंत्रणेसमोरचं आवाहन वाढलं आहे. गेल्या १२ तासांत राज्यात १२१ करोना बाधित आढळले असून राज्यातील रुग्णांची संख्या २४५५वर गेली आहे.

121 new COVID19 positive cases reported in the state today; the total number of positive cases in the state rise to 2,455: Maharashtra Health Department pic.twitter.com/C1O0UwW4pv

— ANI (@ANI) April 14, 2020

मुंबईत ९२, नवी मुंबईत १३, रायगडमध्ये १, ठाण्यात १०, वसई-विरारमध्ये ५ कोरोनाचे नवे रुग्ण आढळून आले आहेत. त्यामुळे महाराष्ट्रातील कोरोनाग्रस्तांची संख्या वाढली आहे. तर रत्नागिरीतून एक धक्कादायक माहिती समोर येत आहे. रत्नागिरीत अवघ्या सहा महिन्यांच्या बाळाला कोरोनाची लागण झाल्याची माहिती मिळत आहे. मिळालेल्या माहितीनुसार, रत्नागिरी साखरतर येथील ६ महिन्यांच्या बाळाचे रिपोर्ट कोरोना पॉझिटिव्ह आल्याने एकच खळबळ उडाली आहे. कोरोनाबाधित महिलेच्या घरातील हे बाळ असून यामुळे रत्नागिरीकरांच्या चिंतेत वाढ झाली आहे. आता रत्नागिरीत कोरोना रुग्णांची संख्या ६ वर जाऊन पोहचली आहे.

रत्नागिरीत एका सहा महिन्यांचा बाळाला करोनाची लागण झाली असल्याचं समोर आलं आहे. रत्नागिरी शहरापासून पाच किमी अंतरावर असणाऱ्या साखरतर गावात वास्तव्यास असणाऱ्या कुटुंबातीला बाळाला करोनाची लागण झाली आहे. याच कुटुंबातील महिलेला करोनाची लागण झाली होती. यानंतर बाळाची तपासणी केली असता त्याचा रिपोर्ट पॉझिटिव्ह आला. सध्या त्याला रुग्णालयात दाखल करण्यात आलं आहे.

News English Summary: The number of Corona patients in the state does not appear to be decreasing day by day. With the average number of hundred coronary patients being found in the state every day, the appeal to the health system has increased. In the last 12 hours, 121 crores have been infected in the state and the number of patients in the state has increased to 2455.

News English Title: Story corona virus 92 new cases Mumbai city Maharashtra total reached to 2455 Covid19 News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.