यूपीत वैद्यकीय कर्मचाऱ्यांवर हल्ले सुरूच; मुख्यमंत्री योगी आदित्यनाथ संतापले

लखनऊ, १५ एप्रिल: कोरोनाविरुद्धच्या लढाईत डॉक्टर्स आणि पोलीस आघाडीवर जाऊन लढत आहेत. मात्र या मंडळींना अनेकदा हल्ल्यांना सामोरं जावं लागत आहे. अशा अनेक घटना वारंवार पुढे येत आहेत. त्यामुळे डॉक्टर्स आणि पोलिसांच्या मनोधर्यावर परिणाम होण्याची शक्यता आहे. अशीच एक उत्तर प्रदेशातली घटना समोर येत आहे. मुरादाबाद जिल्ह्यातल्या नागफनी भागात नवाबपूरा मस्जिद हाजी नेब या भागात संशयीत रुग्णांना घेण्यासाठी गेलेल्या पथकावर हल्ला झाला. या हल्ल्यात एक डॉक्टर आणि दोन पोलीस जखमी झालेत.

#WATCH Moradabad: Some people pelted stones at medical team&police personnel who had gone to take the family of a #COVID19 positive patient (who died recently), to take them to a quarantine facility. 3 people were injured including a doctor & pharmacist. pic.twitter.com/q4FTzV8Vqc

— ANI UP (@ANINewsUP) April 15, 2020

उत्तर प्रदेशातील मुरादाबाद येथे मेडिकल टीम आणि पोलीस कर्मचाऱ्यांवर दगडफेक केल्याची घटना घडल्यानंतर मुख्यमंत्री योगी आदित्यनाथ यांनी संतप्त प्रतिक्रिया व्यक्त केली. मुख्यमंत्र्यांनी सांगितले की, कोरोना संकटकाळात आरोग्य विभागाचे कर्मचारी, सफाई कामगार, सुरक्षा कर्मचारी आणि कायदा सुव्यवस्था सांभाळणारे पोलीस आपत्कालीन स्थितीत दिवसरात्र लोकांची सेवा करत आहेत. या लोकांवर हल्ला करणे ही घोडचूक आहे ती माफ करु शकत नाही. या घटनेची तीव्र निषेध त्यांनी यावेळी केला.

दरम्यान, दगडफेकीमध्ये एकूण तिघेजण जखमी झाल्याची माहिती मिळत आहे. ज्यामध्ये एक डॉक्टर आणि एका फार्मासिस्टचा समावेश आहे. आरोग्य विभाग किंवा पोलीस अधिकाऱ्यांवर नागरिकांनी असे हल्ले करण्याची ही पहिली वेळ नाही. कोरोनाच्या तणावग्रस्त वातावरणात यापूर्वीही असे धक्कादायक प्रकार घडल्याचं पाहायला मिळालं होतं. पण, आपली सुरक्षितता दूर लोटत नागरिकांच्या हितासाठी सातत्याने दिवसरात्र काम करणाऱ्या या कोरोना वॉरिअर्सना मिळणारी ही वागणूक देशातील नागरिकांच्या एकंदर मानसिकतेवरच प्रश्नचिन्हं उपस्थित करत आहे.

News English Summary: Doctors and police are leading the fight against Corona. However, these congregations often face attacks. Many such incidents are occurring frequently. This is likely to affect the mood of doctors and police. One such incident is coming up in Uttar Pradesh. In Nawabpura Masjid Haji Neb area of ​​Nagfani area of ​​Moradabad district, a group of suspected patients was attacked. One doctor and two policemen were injured in the attack.

News English Title: Story people pelted stones at medical team police personnel who gone to take the family of a Covid 19 positive in Moradabad Covid19 News latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.