भारतीय नौदलातील किमान २१ जणांना कोरोनाची लागण

नवी दिल्ली, १८ एप्रिल : कोरोना व्हायरसने आता भारतीय नौदलातही शिरकाव केला आहे. मुंबईतील नौदलाच्या तळावरील १५ ते २० नौसैनिकांना कोरोना व्हायरसची लागण झाली आहे. त्यांचे कोरोना चाचणीचे रिपोर्ट पॉझिटिव्ह आले आहेत. मुंबईतीलच नौदलाच्या रुग्णालयात या नौसैनिकांना क्वारंटाइनमध्ये ठेवण्यात आले आहे. एनडीटीव्हीने हे वृत्त दिले आहे.

नौदलातील नौसैनिकांना कोरोनाची लागण झाल्याचं हे पहिलंच प्रकरण समोर आलं आहे. यापूर्वी आर्मीच्या ८ सैनिकांना कोरोनाची लागण झाल्याचं समोर आलं होतं. मुंबईच्या किनाऱ्यावर नौदलाच्या आयएनएस आंग्रे या तळावर ७ एप्रिलला कोरोना बाधित पहिली केस समोर आली होती. त्यानंतर या व्यक्तीच्या संपर्कात आलेल्या प्रत्येकाची चाचणी करण्यात आली अशी माहिती एएनआय या वृत्तसंस्थेनं दिली आहे.

All primary contacts (though asymptomatic) were tested for #COVID19. The entire inliving block was immediately put under quarantine, containment zone & INS Angre under lockdown. Action being taken as per established protocol. No cases of infection onboard ships & submarines: Navy https://t.co/RX0BnbJAw1

— ANI (@ANI) April 18, 2020

मिळालेल्या माहितीनुसार, भारतीय नौदलाच्या करोना पॉझिटिव्ह आढळलेल्या २१ जवानांना मुंबईतील INHS या नेव्ही रुग्णालयात आयसोलेशनमध्ये ठेवण्यात आलं आहे. यात ‘आयएनएस आंग्रे’ या नौदलाच्या प्रशासकीय तळावर आढळलेल्या २० करोनाबाधित जवानांचाही समावेश आहे. मुख्य म्हणजे, या जवानांमध्ये करोनाची कोणतीही लक्षणं आढळून आली नव्हती.

News English Summary: At least 20 Indian Navy personnel have been infected with the Corona virus. All of them have been shifted to the Naval Hospital in Mumbai for treatment, Naval officials have told Hindustan Times on condition of anonymity.

News English Title: Story at least 20 Indian Navy personnel test positive for Covid 19 Corona crisis News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.