फेसबुक-जिओ डीलमुळे जागतिक गुंतणूकदार भारताकडे आकर्षित होतील - आनंद महिंद्रा

मुंबई, २२ एप्रिल: फेसबूककडून बुधवारी एक मोठी घोषणा करण्यात आली. रिलायन्स उद्योग समूहातील जिओचे १० टक्के समभाग खरेदी करण्याची घोषणा फेसबूककडून करण्यात आली. ५.७ अब्ज अमेरिकी डॉलर अर्थात ४३,५७४ कोटी रुपये फेसबूककडून जिओमध्ये गुंतविण्यात येणार आहेत. भारतातील सोशल मीडियामध्ये आपला परीघ आणखी विस्तारण्यासाठी फेसबूककडून हा निर्णय घेण्यात आला आहे.

या गुंतवणुकीमुळे जिओ प्लॅटफॉर्म्सला मोठा फायदा होणार आहे. जिओ अँप प्लॅटफॉर्मचं मूल्य वाढून ४.६२ लाख कोटी रुपये होईल. या करारामुळे मुकेश अंबानी यांच्या रिलायन्स इंडस्ट्रिजवरील कर्ज आणखी कमी होईल आणि मार्क झुकरबर्ग यांच्या फेसबुकला एक मजबूत प्लॅटफॉर्म मिळेल. फेसबुक आणि जिओ विविध प्रोजक्टवर एकत्रितपणे काम करणार आहे, ज्यामुळे देशभरात व्यवसायाच्या संधी निर्माण होतील, असं दोन्ही कंपन्यांनी आपल्या वेगवेगळ्या जारी केलेल्या वक्तव्यांमध्ये म्हटलं आहे.

या करारावरुन आनंद महिंद्रा यांनी टि्वट करुन मुकेश अंबानी यांचे मोठे कौतुक केले आहे. ब्राव्हो मुकेश, हा केवळ दोन कंपन्यांमधील करार नाही, असे त्यांनी म्हटले आहे. आनंद महिंद्रा यांनी म्हटले की, कोरोना विषाणूच्या संकटानंतर भारतीय अर्थव्यवस्था जगासाठी अत्यंत महत्त्वाची आहे. २१ वे शतक भारताचे असेल ही कल्पना या करारामुळे प्रत्यक्षात येईल. विकासाचे केंद्र म्हणून जग भारताकडे पाहील.

Jio’s deal with Facebook is good not just for the two of them. Coming as it does during the virus-crisis, it is a strong signal of India’s economic importance post the crisis. It strengthens hypotheses that the world will pivot to India as a new growth epicentre. Bravo Mukesh! https://t.co/5rIi6WOjWf

— anand mahindra (@anandmahindra) April 22, 2020

News English Summary: After Facebook and Jio Deal industrialist Anand Mahindra tweeted about the deal and praised Mukesh Ambani. “It’s not just an agreement between two companies, Bravo Mukesh,” he said. Anand Mahindra said the Indian economy is very important to the world after the Corona virus crisis. The agreement will make India’s 21st century a reality. India will look to India as the center of development.

News English Title: Story bravo Industrialist Mukesh Anand Mahindra tweets after Reliance Jio Facebook deal Covid 19 News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.