चक्रीवादळ रोखण्यात राज्य सरकार अपयशी, भाजपचे शिष्टमंडळ राष्ट्रपती भवनात, काँग्रेसचा टोला

मुंबई, ३ जून: अरबी समुद्रात कमी दाबाच्या पट्ट्यामुळे निर्माण झालेल्या निसर्ग चक्रीवादळामुळे महाराष्ट्रासमोर नवं संकट उभं राहिलं होतं. दुपारी १:३० वाजता चक्रीवादळानं कोकण किनारपट्टीवरून जमिनीवर पाऊल ठेवलं होतं. त्यानंतर अलिबाग मार्गे हे वादळ मुंबईत दाखल होणार होतं. त्यापूर्वीच वादळानं दिशा बदलली असून, चक्रीवादळ पनवेल, कर्जत खोपोली, नाशिक या मार्गे पुढे जाणार आहे. पुणे वेधशाळेचे प्रमुख हवामान संशोधक डॉ. अनुपम कश्यपी यांच्या हवाल्यानं स्कायमेटनं हे वृत्त दिलं आहे.

अनेक ठिकाणी झाडं पडल्याने मालमत्तेचं नुकसान झाल्याचं पाहायला मिळत आहे. मात्र अजून पर्यंत कोणतीही जीवितहानी झाल्याचं अधिकृत वृत्त नाही. दरम्यान, मागील काही दिवसांपासून भाजपचे अनेक नेते आणि शिष्टमंडळाने राज्यपालांच्या भेटींचा सपाटा लावून राज्य सरकारला लक्ष केलं होतं. त्यात काही नेत्यांनी तर राज्यपालांकडे थेट राष्ट्रपती राजवटीची मागणी केली होती.

त्याचाच धागा पकडून काँग्रेसचे प्रवक्ते अतुल लोंढे यांनी भारतीय जनता पक्षाला खोचक टोला लगावला आहे. आजच्या निसर्गचक्रीवादळाचा संदर्भ घेऊन त्यांनी भाजपाची खिल्ली उडवली आहे. त्यांनी ट्विट करताना म्हटलं आहे की, “चक्रीवादळ मुंबईत दाखल होणार हे माहित असूनही राज्य सरकार ते रोखण्यात अपयशी….भाजपाचे शिष्टमंडळ आता थेट राष्ट्रपती भवनात.

काय आहे नेमकं ट्विट;

*_चक्रीवादळ मुंबईत दाखल होणार हे माहित असूनही राज्य सरकार ते रोखण्यात अपयशी_ ….*

*भाजपाचे शिष्टमंडळ आता थेट राष्ट्रपती भवनात.*

— Atul Londhe (@atullondhe) June 3, 2020

News English Summary: Congress spokesperson Atul Londhe has slammed the Bharatiya Janata Party. He has ridiculed the BJP by referring to today’s cyclone. He tweeted, “Despite knowing that the cyclone will hit Mumbai, the state government has failed to stop it. The BJP delegation is now directly at the Rashtrapati Bhavan.”

News English Title: Congress spokesperson Atul Londhe criticized BJP Party over politics against MahaVikas Aghadi News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.