जगातील मोठा पक्ष आजही काँग्रेस नेत्यांच्या फोडाफोडी भरोसे निवडणूक रिंगणात - सविस्तर

अहमदाबाद, ५ जून : गुजरातमध्ये राज्यसभा निवडणूक होत असून, त्यापूर्वी राजकीय धक्के जाणवू लागले आहेत. काँग्रेसनं दोन उमेदवार उतरवले असून, भाजपानं तीन उमेदवार दिले आहेत. भाजपानं संख्याबळ नसताना तिसऱ्या जागेची खेळी केली आहे. ती यशस्वी होताना दिसत आहे. काँग्रेसच्या दोन आमदारांनी गुरूवारी राजीनामे दिले होते. त्यानंतर आणखी एका आमदाराने राजीनामा दिल्यानं राजीनामा देणाऱ्या काँग्रेसच्या आमदारांची संख्या ८ वर गेली आहे.

One more Gujarat Congress MLA resigns ahead of Rajya Sabha polls: Assembly officials

— Press Trust of India (@PTI_News) June 5, 2020

आमदारांनी एकापाठोपाठ एक राजीनामे दिल्याने गुजरातमध्ये काँग्रेस आमदारांची संख्या आता ६५ वर आली आहे. मोरबीचे काँग्रेस आमदार ब्रिजेश मेरजा यांनी राजीनामा दिला आहे. याआधी कर्जनचे आमदार अक्षय पटेल आणि कपराडाचे आमदार जीतू चौधरी यांनी राजीनामा दिला होता. तर याआधी मार्च महिन्यात काँग्रेसच्या पाच आमदारांनी राजीनामा दिला होता. त्यावेळी काँग्रेसच्या आमदारांची संख्या ६८ पर्यंत खाली आली होती. २०१७ च्या विधानसभा निवडणुकीत काँग्रेसने ८१ जागा जिंकल्या होत्या.

नियमांनुसार, राज्यसभेची एक जागा जिंकण्यासाठी उमेदवाराकडे सिंगल ट्रासफरेबल वोट अंतर्गत ३६ मतांची गरज असते. भाजपाकडे १०३ आमदार आहेत, भाजपाने राज्यसभेसाठी अभय भारद्वाज, रमीलाबेन बारा आणि नरहारी अमीन यांना उमेदवारी दिली आहे. आकडेवारीकडे पाहिली तर भाजपाच्या २ जागा सहज निवडून येतील पण तिसऱ्या जागेसाठी काही मतांची आवश्यकता भासणार आहे.

यावेळी गुजरातमध्ये राज्यसभेच्या ४ जागा रिक्त आहेत. गुजरात विधानसभेत भाजपाकडे १०३ आमदार आहेत. कॉंग्रेसचे ६८ आमदार आहेत, भारतीय आदिवासी पार्टीचे दोन (बीटीपी) आणि राष्ट्रवादीचे एक आमदार आहे. राज्यसभेची एक जागा जिंकण्यासाठी ३६ मते आवश्यक आहेत. आत्तापर्यंत कॉंग्रेस २ बीटीपी आमदार व एक अपक्ष अशी त्यांची संख्या ७१ मानत होती. अशा प्रकारे काँग्रेस सहजपणे २ जागा जिंकण्याचे स्वप्न पाहत होती. दुसरीकडे ३ जागांवर विजय मिळवण्यासाठी भाजपला १०६ आमदारांची गरज भासणार आहे. याचा अर्थ असा की भाजपाला तिन्ही उमेदवार जिंकण्यासाठी आणखी ३ मतांची आवश्यकता असेल. तिसरा उमेदवार म्हणून भाजपाने नरहरी अमीन यांना उमेदवारी दिली आहे.

News English Summary: With the Rajya Sabha elections taking place in Gujarat, political shocks are already being felt. Congress has fielded two candidates while BJP has fielded three candidates. BJP has bagged the third position without any strength. She seems to be succeeding.

News English Title: One More Gujarat Congress MLA Resigns News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.