कर्नाटकात KG ते इयत्ता ५'वीपर्यंतच्या ऑनलाईन शिक्षणावर बंदी

बंगळुरू, ११ जून: एकिकडे कोरोना विषाणूमुळं देशाच्या अर्थव्यवस्थेपासून थेट शिक्षण व्यवस्थेपर्यंत थेट परिणाम होत असतानाच दुसरीकडे या परिस्थितीशी दोन हात करण्यासाठी म्हणून बहुविध मार्ग अवलंबले जात आहेत. शिक्षण व्यवस्थेच्या बाबतीत सांगावं तर, विद्यार्थ्यांचं नुकसान होऊ नये आणि त्यांचं शैक्षणिक वर्ष वाया जाऊ नये यासाठी अनेक राज्यांनी ऑनलाईऩ शिक्षण पद्धतीला प्राधान्य दिलं आहे. पण, एका राज्यानं मात्र शिशूवर्गापासून ते इयत्ता पाचवीपर्यंतच्या ऑनलाईन शिक्षणावर बंदी आणण्याचा मोठा निर्णय घेतला आहे.

अनेक पालक, शिक्षक आणि विद्यार्थी जे गेल्या काही दिवसांपासून सध्याच्या घडीला अनेकांसाठी सवयीच्या झालेल्या या ऑनलाईन शिक्षण पद्धतीशी ताळमेळ साधण्याच्या प्रयत्नांत आहेत, काही अडचणींचा सामनाही करत आहेत त्यांच्या दृष्टीनं हा अतिशय महत्त्वाचा निर्णय ठरत आहे. कर्नाटक प्राथमिक आणि माध्यमिक शिक्षण मंडळानं बुधवारी इयत्ता पाचवीपर्यंतच्या ऑनलाईन शिक्षणावरील बंदीचे आदेश दिले. NIMHANS च्या अहवालानुसार आणि काही पालकांच्या तक्रारीच्या आधारे किंडर गार्डनपासूनच्या या विद्यार्थ्यांना येणाऱ्या अडचणींचा आढावा घेत अखेर शिक्षण विभागाकडून तातडीनं हा महत्त्वाचा निर्णय घेतला गेला.

दुसरीकडे महाराष्ट्रात अडीच महिन्यांपासून शाळा आणि महाविद्यालयेही बंद आहेत. अर्थात शाळा कधी उघडणार याबाबत विद्यार्थी आणि पालकांमध्ये चिंता आहे. मात्र लॉकडाऊन काळात विद्यार्थ्यांचं नुकसान होऊ नये, या पार्श्वभूमीवर दूरदर्शनवरून इयत्ता पहिली ते इयत्ता बारावीच्या अभ्यासक्रमाबाबत कार्यक्रम प्रसारित करण्यात येणार आहेत. आजपासून या कार्यक्रमांना सुरुवात होणार आहे.

दरम्यान, शासनाकडून इयत्ता पहिली ते बारावीपर्यंतची सर्व पुस्तके पीडीएफ स्वरूपात उपलब्ध करून देण्यात आली आहेत. त्यामुळे घरबसल्या विद्यार्थ्यांना अभ्यास करता येणार आहे. ऑनलाईन पुस्तके डाऊनलोड करण्याचा पर्याय देखील देण्यात आला आहे.

News English Summary: The Karnataka Board of Primary and Secondary Education on Wednesday ordered a ban on online education up to Class V. According to the report of NIMHANS and based on the complaints of some parents, after reviewing the problems faced by these students from Kinder Garden, this important decision was taken immediately by the Department of Education.

News English Title: State government of Karnataka bans online education for children from KG to 5th standard News latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.