कोरोना विषाणूची साथ नैसर्गिकरीत्याच संपुष्टात येईल - संसर्गरोगतज्ज्ञ सुनेत्रा गुप्ता

नवी दिल्ली, ३ जुलै : देशात करोनाग्रस्तांची संख्या दिवसेंदिवस वाढत आहे. गेल्या काही दिवसांपासून करोनाबाधितांच्या संख्ये मोठी वाढ होताना दिसत आहे. अशा परिस्थितीत एक दिलासादायक माहिती समोर आली आहे. करोनावरील आजारासाठी तयार करण्यात आलेली पूर्ण भारतीय बनावटीची पहिली लस COVAXIN ही १५ ऑगस्ट रोजी लाँच होण्याची शक्यता वर्तवण्यात येत आहे. भारत बायोटेकनं आयसीएमआर आणि नॅशनल इन्स्टिट्यूट ऑफ विरोलॉजी (एनआयव्ही) यांच्यासोबत मिळून ही लस तयार केली आहे.

केंद्रीय आरोग्य मंत्रालयाने दिलेल्या माहितीनुसार, देशातील कोरोनाबाधितांची एकूण संख्या ६,२५,५४४ वर जाऊन पोहोचली आहे. यापैकी २,२७, ४३९ रुग्णांवर सध्या उपचार सुरु आहेत. तर ३,७९,८९२ जण कोरोनातून बरे होऊन घरी परतले आहेत. मात्र, आतापर्यंत देशभरात १८, २१३ लोकांना कोरोनामुळे प्राण गमवावे लागले आहेत.

दरम्यान, जगातील बहुसंख्य लोकांना कोरोना विषाणूच्या संसर्गावरील प्रतिबंधक लसीची गरज नाही, असे आॅक्सफर्ड विद्यापीठातील संसर्गरोगतज्ज्ञ सुनेत्रा गुप्ता यांनी म्हटले आहे. फ्लूप्रमाणेच हाही आजार आहे. त्यामुळे कोरोना संसर्गाबाबत फार चिंता करू नये, असेही त्यांनी सांगितले. सुनेत्रा गुप्ता म्हणाल्या की, जे निरोगी व तरुण आहेत, ज्यांची प्रतिकारशक्ती उत्तम आहे व ज्यांना एकाहून अधिक व्याधी नाहीत अशा लोकांचे कोरोना संसर्गामुळे फार नुकसान झालेले नाही. कोरोना विषाणूची साथ नैसर्गिकरीत्याच संपुष्टात येईल. तसेच फ्लूप्रमाणे हाही आजार आपल्या जीवनाचा एक भाग होईल. कोरोनावर प्रतिबंधक लस तयार करणे तसे सोपे आहे. काही महिन्यांत ही लस बनविण्यात यश मिळेल.

जगभरात कोरोना संसर्गाने हाहाकार माजविला असून, या साथीचा फैलाव रोखण्याकरिता भारतासह बहुसंख्य देशांनी लॉकडाऊनसह विविध उपाय योजले आहेत. सर्वाधिक कोरोना रुग्ण असलेल्या देशांमध्ये अमेरिका पहिल्या तर भारत चौथ्या क्रमांकावर आहे. या साथीचा फैलाव कमी होण्याची चिन्हे सध्या तरी दिसत नाहीत. या संसर्गावरील लस शोधण्यासाठी काही देशांत संशोधन सुरू आहे. लॉकडाऊनला सुनेत्रा गुप्ता यांनी नेहमीच विरोध केला असून, आताही त्यांनी याच मतांचा पुनरुच्चार केला आहे.

News English Summary: The majority of people in the world do not need a vaccine to prevent coronavirus infection, says Sunetra Gupta, an infectious disease specialist at Oxford University. Outbreaks appear to be exacerbated during the Corona virus. Like flu, it will be a part of our lives.

News English Title: The majority of people in the world do not need a vaccine to prevent coronavirus infection says Sunetra Gupta News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.