रुग्णांची लूट, रुग्ण व्यवस्थापनही कमतरता, ठाण्यात २-३ रुग्ण बेपत्ता - फडणवीस

ठाणे, ६ जुलै : ठाण्यात बाधितांचा आकडा दिवसेंदिवस वाढत असून मुंबईपेक्षा ठाण्याची परिस्थिती अधिक गंभरी होत जात आहे. या पार्श्वभूमीवर माजी मुख्यमंत्री आणि विरोधी पक्षनेते देवेंद्र फडणवीस यांनी ठाण्याला भेट दिली. या भेटीनंतर घेतलेल्या पत्रकार परिषदेत त्यांनी राज्य सरकारला महत्त्वाच्या सूचना केल्या आहेत.

ठाण्यातील रुग्णालयातील परिस्थितीची पाहणी केल्यानंतर पत्रकारांशी संवाद साधताना देवेंद्र फडणवीस म्हणाले, “पनवेल, ठाणे, उल्हासनगर, भिवंडी, मिरा भाईंदर अशा सर्वच ठिकाणी संसर्ग प्रमाण अधिक आहे. रुग्ण संख्या मोठ्या प्रमाणात वाढत आहे. राज्यातील रुग्णसंख्येत मुंबई आणि एमएमआरमधील ७० टक्के रुग्ण, तर मृत्यू सुद्धा याच भागात अधिक आहेत. त्यामुळे अशा परिस्थितीत चाचण्या वाढविण्याची गरज आहे. तसेच त्याचे अहवाल तात्काळ आले पाहिजेत,” अशी सूचना फडणवीस यांनी केली.

“मृत्यूदर वाढणे ही बाब अधिक चिंताजनक आहे. राज्यातील महापालिकांना आर्थिक मदत मोठ्या प्रमाणात मिळायला दिली गेली पाहिजे. त्याचप्रमाणे खाजगी रुग्णालयांकडून लूट थांबविणे आवश्यक आहे. रुग्णांची संख्या वाढत असल्यानं आयसीसीयू बेड कमी पडत आहेत. दुसरीकडे रुग्ण व्यवस्थापनही कमी पडत आहे. आरोग्य सेवकांची कमतरता मोठ्या प्रमाणात दिसून येत असून, ठाण्यातून २ ते ३ रुग्ण बेपत्ता झाले आहेत. त्यांचे नातेवाईक मला आज भेटले.

देशातील संसर्गापेक्षा महाराष्ट्रातील संसर्गाचे प्रमाण फारच अधिक आहे. प्रति १० लाख लोकसंख्येमागे चाचण्यांमध्ये महाराष्ट्र देशात नवव्य क्रमांकावर आहे. कमी चाचण्या हेच महाराष्ट्रातील कोरोना वाढ होण्यामागील मुख्य कारण असून, सातत्याने सांगतो आहे. अजूनही खरी मृत्यूसंख्या पुढे आलेली नाही. मुंबईतील ४०० मृत्यू आणखी पुढे आलेले नाहीत,” असंही देवेंद्र फडणवीस म्हणाले.

News English Summary: The number of victims in Thane is increasing day by day and the situation in Thane is becoming more serious than in Mumbai. Against this backdrop, former Chief Minister and Leader of Opposition Devendra Fadnavis visited Thane.

News English Title: Devendra Fadnavis Govt Should Stop To Private Hospital Who Charge Extra Money For Treatment News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.