शेतकरी धर्मा पाटील यांच्या आत्महत्या वेळी भाजपाला पाझर फुटला नाही | अनिल गोटे

धुळे, २० ऑगस्ट : सुशांत सिंह राजपूत याच्या हत्येची अथवा आत्महत्येच्या घटनेने भाजप नेत्यांना झोप येत नाही. दिल्लीपासून गल्लीपर्यंत सर्वच भाजप नेते रात्रंदिवस सुशांत सिंहच्या आत्म्याला शांती मिळावी म्हणून अस्वस्थ झाले आहेत, अशी सहृदयता अनन्यसाधारण आहे. सुशांत सिंह बिहार राज्यातील निवासी आहे. त्यांच्या पालकांनी त्याला राज्यातील भाजप नेत्यांच्या विश्वासावरच मुंबईत पाठवले होते. आपल्या पालकत्वाच्या कर्तव्यात कसूर होता कामा नये यासाठी सुरू असलेली घालमेल अखेर सर्वोच्च न्यायालयाच्या निकालानंतर शांत व्हायला हरकत नाही, अशी खोचक टीका माजी आमदार अनिल गोटे यांनी केली आहे.

मी आपला साधा भोळा शेतकऱ्याचा मुलगा आहे. त्यामुळे तेवढ्याच जगाच्या मर्यादित प्रश्न उभे राहतात. देवेंद्र फडणवीस मुख्यमंत्री व गृहमंत्री असताना आमच्या जिल्ह्यातील धर्मा पाटील नावाच्या शेतकऱ्यांने मंत्रालयात विष पिऊन आत्महत्या केली होती. त्यावेळी भाजप नेत्यांना पाझर फुटला नाही. धर्मा पाटिल यांच्या आत्महत्येला जबाबदार कोण? याचा शोध घेण्यासाठी सुशांत सिंहच्या प्रकरणी आकाश पाताळ एकत्र करणाऱ्यांनी नेमके काय प्रयत्न केले होते? असा अत्यंत बाळबोध प्रश्न मला पडला आहे.

शेतकऱ्याने आपल्या कार्यालयात आत्महत्या करावी अशी परिस्थिती निर्माण करणाऱ्यांना आपण शोधून काढले का? की बिचाऱ्या शेतकर्‍यांच्या प्राणास काहीच किंमत नाही. कारण त्यांना आत्महत्या करण्याची पाळी आणायला भाग पाडणारे आपल्या मंत्री मंडळातील सहकारी होते म्हणून आपण डोळ्यावर भाजपने सोडलेल्या सांडाचे कातडे पांघरून घेतले होते का? आपल्या क्षुद्र राजकीय स्वार्थासाठी एखाद्या व्यक्तीच्या मृत्यचे भांडवल करणे यालाच तर म्हणतात ना प्रेताच्या टाळूवरील लोणी खाणारा?, असा प्रश्नही अनिल गोटे यांनी उपस्थित केला आहे.

दरम्यान, अभिनेता सुशांतसिंह राजपूत आत्महत्या प्रकरण सुशांतसिंह प्रकरणाचा तपास सीबीआय करणार सीबीआयची विशेष टीम मुंबई विमानतळावर पोहोचली आहे. दिल्ली-मुंबई एअर इंडिया फ्लाईटनं सीबीआय मुंबईत वांद्रे, दादर किंवा गोरेगावपैकी एका ठिकाणी जाणार सीबीआय टीमला क्वारंटाईन करणार नाही असं महापालिकेने स्पष्ट केलं आहे.

#VIDEO – सुशांतसिंह राजपूत प्रकरण तपासासाठी सीबीआयचे पथक मुंबईत दाखल | धक्काबुक्कीत प्रसार माध्यमांचे माईक सुद्धा खाली पडले.#SushantSinghRajput #CBI #Mumbai #Arrival pic.twitter.com/iSIK2n94vd

— महाराष्ट्रनामा न्यूज (@MahaNewsConnect) August 20, 2020

News English Summary: When Devendra Fadnavis was the Chief Minister and Home Minister, a farmer named Dharma Patil from our district had committed suicide by drinking poison in the Ministry. At that time, the BJP leaders did not burst. Who was responsible for Dharma Patil’s suicide?

News English Title: Why BJP leaders did not serious during farmer Dharma Patil former MLA Anil Gote criticism on Sushant Singh Case News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.