मध्य प्रदेशात शिवसेनेचे नेते रमेश साहू यांची गोळ्या घालून हत्या

इंदौर, २ सप्टेंबर : मध्य प्रदेशातील शिवसेनेचे नेते रमेश साहू यांची गोळ्या घालून हत्या करण्यात आल्याची खळबळजनक घटना घडली आहे. आरोपींनी केलेल्या गोळीबारात साहू यांची पत्नी व मुलगी जखमी झाली आहे. हत्या केल्यानंतर आरोपींनी घटनास्थळावरू पोबारा केला. मंगळवारी मध्यरात्री ही घटना घडली. पोलिसांनी आरोपींचा शोध सुरू केला आहे.

इंदौरमधील तेजाजी शहर पोलीस ठाणे हद्दीत उमरीखेडा येथे शिवसेनेचे मध्य प्रदेशचे अध्यक्ष असलेल्या रमेश साहू यांचा ढाबा आहे. अज्ञात गुंडांनी त्यांच्यावर हल्ला केला. यावेळी बचावासाठी आलेल्या रमेश साहू यांच्या पत्नीला आणि मुलीलाही या गुंडांनी मारहाण केली. यात त्या जखमी झाल्या आहेत.

या घटनेची माहिती पोलिसांना देण्यात आली. पोलिसांनी घटनास्थळी दाखल होतं. पाहणी केली. मृतदेह शवविच्छेदनाला पाठवून चौकशी सुरू केली आहे. घटनास्थळावरून कोणतीही वस्तू चोरीला गेलेली नसून, आरोपी केवळ साहू यांची हत्या करून फरार झाले. त्यामुळे या हत्येमागे जुना वाद असण्याची शक्यता पोलिसांनी व्यक्त केली आहे.

News English Summary: A 70-year-old former head of the Madhya Pradesh Shiv Sena unit has been shot dead by unidentified persons in Indore, police said on Wednesday. The deceased, Ramesh Sahu, used to run a roadside food joint in Umdikheda village on Indore-Khandwa road.

News English Title: Shivsena Leader Shot Dead In Publicly In Indore Madhya Pradesh News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.