Alert! पुढील ४ दिवस पावसाचे | या जिल्ह्यांत विजांच्या कडकडाटासह मेघगर्जना

मुंबई, १० ऑक्टोबर : उत्तर अंदमान समुद्र आणि पूर्व मध्य बंगालच्या उपसागरात कमी दाबाचा पट्टा निर्माण झाला आहे. याचा परिणाम देशातील काही राज्यांच्या हवामानावर होणार असून अनेक ठिकाणी पाऊस (Rainfall) पडण्याचा अंदाज हवामान खात्याने वर्तवला आहे. चक्रीवादळाच्या प्रभावामुळे ११ ऑक्टोबर आणि १२ ऑक्टोबर रोजी महाराष्ट्रासह आंध्रप्रदेश, ओडिशा, तेलंगणा, कर्नाटकातील काही भागांत खराब हवामानाची परिस्थिती निर्माण होईल अशी शक्यताही हवामान खात्याने वर्तवली आहे.

बदललेल्या हवामानाच्या परिस्थितीमुळे महाराष्ट्रातील कोकण, उत्तर महाराष्ट्र, मराठवाडा, विदर्भातील काही भागांत विजांच्या कडकडाटासह पाऊस पडेल असा अंदाज हवामान खात्याने वर्तवला आहे. तर काही भागांत कमी ते मध्यम स्वरुपाचा पाऊस पडण्याची शक्यता आहे. पाहुयात राज्यातील कुठल्या भागात काय परिस्थिती असेल.

वर्धा, नागपूर, भंडारा, गोंदिया, चंद्रपूर, गडचिरोली जिल्ह्यांसाठी पाच दिवसांचा हवामानाचा अंदाज
हवामान खात्याने वर्तवलेल्या अंदाजानुसार, १० ते १२ ऑक्टोबर या कालावधीत विदर्भातील नागपूर, वर्धा, भंडारा, गोंदिया, चंद्रपूर, गडचिरोली या जिल्ह्यांत बहुदा सर्वत्र हलका ते मध्यम स्वरुपात पाऊस पडण्याची शक्यता आहे. तर एक-दोन ठिकाणी विजांच्या कडकडाटासह मेघगर्जना होण्याची शक्यता आहे.

News English Summary: A low pressure belt has formed in the North Andaman Sea and the Bay of East Central Bengal. This will affect the weather in some states of the country and the Meteorological Department has forecast rainfall in many places. The meteorological department has also forecast bad weather conditions in some parts of Maharashtra, Andhra Pradesh, Odisha, Telangana and Karnataka on October 11 and 12.

News English Title: Maharashtra weather report thunderstorms rainfall Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.