चर्चा तर होणारच | शरद पवार, राज ठाकरे, संजय राऊत आज एका मंचावर?

मुंबई, २४ ऑक्टोबर : राष्ट्रवादी काँग्रेसचे अध्यक्ष शरद पवार, शिवसेना खासदार संजय राऊ आणि मनसे अध्यक्ष राज ठाकरे हे महाराष्ट्राच्या राजकारणातले तीन दिग्गज एकाच मंचावर येणार आहेत. प्रख्यात लेखक अंबरिश मिश्र यांच्या पुस्तक प्रकाशनाच्या कार्यक्रमासाठी हे तीन दिग्गज नेते एकाच व्यासपीठावर येण्याची शक्यता आहे कारण या पुस्तक प्रकाशन सोहळ्यासाठी या तिन्ही नेत्यांना निमंत्रण पाठवण्यात आलं आहे. ‘चौकात उधळले मोती’ या अंबरीश मिश्र यांनी लिहिलेल्या पुस्तकांचं प्रकाशन मुंबईतील यशवंतराव चव्हाण सेंटरमध्ये होणार आहे. शरद पवार, सुप्रिया सुळे, संजय राऊ आणि राज ठाकरे यांना विशेष अतिथी म्हणून निमंत्रित करण्यात आले आहे.

पत्रकार, लेखक अंबरीश मिश्र यांनी आज भेट घेतली. ‘चौकात उधळले मोती’ हे त्यांचे नुकतेच प्रकाशित होत असलेले पुस्तक त्यांनी भेट दिले. धन्यवाद. pic.twitter.com/GhcMGbD2xO

— Supriya Sule (@supriya_sule) October 21, 2020

राज्यात सध्या शिवसेना, राष्ट्रवादी व काँग्रेसच्या महाविकास आघाडीचे सरकार आहे. राज ठाकरे यांचा पक्ष सध्या विरोधकाच्या भूमिकेत आहे. राज यांचा पक्ष अधूनमधून सरकारच्या भूमिकांवर टीका करत असतो. अलीकडेच सुशांतसिंह राजपूत प्रकरणात राज्यातील ठाकरे सरकारबरोबरच ठाकरे कुटुंबीयांवर व्यक्तिगत आरोप करण्याचेही प्रयत्न झाले होते. त्यावेळी शिवसेनेचे खासदार संजय राऊत यांनी ‘सामना’तून राज ठाकरे यांना साद घातली होती. ‘ठाकरे’ ब्रँडची आठवण करून दिली होती. त्यावर मनसेच्या नेत्यांनी प्रतिक्रिया दिल्या असल्या तरी राज यांनी मौन बाळगले होते. या साऱ्या पार्श्वभूमीवर राज ठाकरे पवार व राऊत यांच्यासोबत दिसणार आहेत. यावेळी ते काय बोलतात आणि त्याला इतर दोन नेते कसा प्रतिसाद देतात, याबद्दल उत्सुकता आहे.

याआधी, राज ठाकरे आणि संजय राऊत या दोघांनीही शरद पवार यांची जाहीर मुलाखत घेतलेली आहे. पुण्यात 2017 मध्ये राज ठाकरे यांनी शरद पवार यांची घेतलेली ‘महामुलाखत’ चांगलीच गाजली होती. शरद पवार यांच्या राजकीय कारकीर्दीला 50 वर्षे पूर्ण झाली आणि त्यांच्या अमृतमहोत्सवी वर्षांच्या निमित्ताने पुण्यातील बीएमसीसी कॉलेजच्या मैदानावर या प्रकट मुलाखतीचे आयोजन करण्यात आले होते. त्यावेळी राज ठाकरेंच्या प्रश्नांच्या चेंडूंवर पवारांनी तूफान फटकेबाजी केली होती.

News English Summary: NCP president Sharad Pawar, Shiv Sena MP Sanjay Rau and MNS president Raj Thackeray are the three veterans of Maharashtra politics who will come on the same stage. The three veteran leaders are expected to be on the same platform for the book launch event of renowned author Ambareesh Mishra as the three leaders have been invited for the book launch. The book written by Ambareesh Mishra titled ‘Choukat Udhalele Moti’ will be published at Yashwantrao Chavan Center in Mumbai.

News English Title: MNS Chief Raj Thackeray MP Sanjay Raut And Sharad Pawar Likely To Share Dais For This Reason News Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.