बाळासाहेब! जे तुम्हाला शक्य झालं नाही ते तुमच्या मुलाला कधीच जमणार नाही - निलेश राणे

मुंबई, १७ नोव्हेंबर: हिंदुहृदयसम्राट बाळासाहेब ठाकरे (Hindu Hruday Samrat Balasaheb Thackeray) यांचा आज आठवा स्मृतीदिन. या संपूर्ण महाराष्ट्र आणि देशातील शिवसैनिकांच्या, हिंदूंच्या आणि अनेक राजकीय व्यक्तींच्या मनात आदराचं स्थान असणाऱ्या बाळासाहेब ठाकरे यांच्या स्मृतीस सर्व स्तरांतून अभिवादन करण्यात येत आहे. बाळासाहेब आज आपल्यात नसले तरीही त्यांची वादळी राजकीय कारकिर्द आणि राजकारणातील त्यांचं योगदान हे कायमच अग्रस्थानी राहील. अशा या नेत्याच्या काही स्मृतींना शिवसेनेचं मुखपत्र असणाऱ्या ‘सामना’तून उजाळा देण्यात आला आहे.

दरम्यान, याच दिवसाचे औचित्य साधून विरोधक बाळासाहेबांच्या आठवणी काढत उद्धव ठाकरे यांना टोला लगावत आहेत. माजी खासदार नितेश राणे यांनी बाळासाहेबांच्या स्मृतीदिनी त्यांना विनम्र अभिवादन केले असून राणे कुटुंबीय आजही बाळासाहेबांना विसरले नाही, असे म्हटलंय. मात्र, त्याचसोबत निलेश राणेंनी मुख्यमंत्री उद्धव ठाकरेंचं नाव न घेता, त्यांच्यावर टीका केली.

”बाळासाहेब आज तुम्ही नाही आहात पण आजही राणे कुटुंब तुम्हाला विसरले नाही. तुमचा मुलगा आजही आम्हाला संपवायला निघाला आहे पण जे तुम्हाला शक्य झालं नाही ते तुमच्या मुलाला कधीच जमणार नाही… स्व. शिवसेनाप्रमुख बाळासाहेब ठाकरे यांना पुण्यतिथीनिमित्त विनम्र अभिवादन.”, असे ट्विट निलेश राणे यांनी केलंय. राणे कुटुंबीय आणि शिवसेनेचा वाद महाराष्ट्राला परिचीत आहे. त्यातून दसरा मेळाव्यात मुख्यमंत्री उद्धव ठाकरेंनी राणे कुटुंबीयांवर शाब्दीक बाण चालवले होते. त्यानंतर, राणे पिता-पुत्रांनीही शिवसेना आणि उद्धव ठाकरेंवर टीका केली. तसेच, ट्विवरवरुन सातत्याने शिवसेनेवर प्रहार करणाऱ्या निलेश राणे यांनी पुन्हा एकदा बाळासाहेबांच्या स्मृतीदिनी उद्धव ठाकरेंवर टीका केली आहे.

बाळासाहेब आज तुम्ही नाही आहात पण आजही राणे कुटुंब तुम्हाला विसरले नाही. तुमचा मुलगा आजही आम्हाला संपवायला निघाला आहे पण जे तुम्हाला शक्य झालं नाही ते तुमच्या मुलाला कधीच जमणार नाही… स्व. शिवसेनाप्रमुख बाळासाहेब ठाकरे यांना पुण्यतिथीनिमित्त विनम्र अभिवादन.

— Nilesh N Rane (@meNeeleshNRane) November 17, 2020

News English Summary: Today is the eighth memorial day of Hindu Hruday Samrat Balasaheb Thackeray. The memory of Balasaheb Thackeray, who has a place of respect in the minds of Shiv Sainiks, Hindus and many politicians in Maharashtra and across the country, is being saluted from all walks of life. Meanwhile, justifying the same day, the opposition is attacking Uddhav Thackeray, remembering Balasaheb. Former MP Nitesh Rane greeted Balasaheb on his Memorial Day and said that the Rane family has not forgotten Balasaheb even today. However, at the same time, Nilesh Rane criticized Chief Minister Uddhav Thackeray without mentioning his name.

News English Title: Former MP Nilesh Rane criticized Chief Minister Uddhav Thackeray news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.