TRP घोटाळा | लाखोंची लाच देऊन TRP वाढवला | मुंबई हायकोर्टात अहवाल सादर

मुंबई, २९ डिसेंबर: TRP घोटाळ्याप्रकरणी मुंबई पोलिसांनी सोमवारी मुंबई हायकोर्टात अहवाल सादर केला. रिपब्लिक टेलिव्हीजन नेटवर्कचे संपादक अर्णव गोस्वामी यांनी टेलिव्हिजन रेटिंग पॉइंट (TRP) ) वाढविण्यासाठी ब्रॉडकास्ट ऑडियन्स रिसर्च काऊन्सिलचे (बीएआरसी) माजी सीईओ पार्थो दासगुप्ता यांना लाखो रुपयांची लाच दिल्याचा गौप्यस्फोट मुंबई पोलिसांनी हायकोर्टात केला आहे. (Republic TV in danger zone after arrest of former BARC CEO Partho Dasgupta)

पार्थो दासगुप्ता बीएआरसीचे सीईओ असतानाच्या काळात अर्णव गोस्वामी आणि इतर आरोपींनी रिपब्लिक भारत हिंदी वृत्तवाहिनी आणि रिपब्लिक टीव्ही इंग्रजी वृत्तवाहिनीच्या टीआरपीत चुकीच्या पद्धतीनं वाढ करण्यात आली. TRP वाढवून दाखविण्यासाठी गोस्वामी यांनी दासगुप्ता यांना अनेकदा लाखो रुपयांची लाच दिली, असं चौकशीत समोर आलं आहे”, अशी माहिती मुंबई पोलिसांनी कोर्टात दिली. (Goswami often bribed Dasgupta with millions of rupees to increase his TRP)

पार्थो दासगुप्ता यांना मुंबई पोलिसांनी गेल्याच आठवड्यात अटक केली असून त्यांच्या पोलीस कोठडीत वाढ करण्याची मागणी यावेळी करण्यात आली. मुंबई पोलिसांनी टीआरपी घोटाळ्यात पहिल्यांदाच अर्णव गोस्वामी यांचं नाव थेट कोर्टात उघडपणे घेतलं आहे. दरम्यान, गोस्वामी यांच्याकडून याबाबत अद्याप कोणतीही प्रतिक्रिया समोर आलेली नाही. (Mumbai Police has for the first time openly named Arnav Goswami in the TRP scam)

परंतु पोलिसांनी कोर्टात सादर केलेल्या अहवालात आरोपी म्हणून अर्णव गोस्वामी यांचं नाव नमूद केलेलं नाही. पोलिसांच्या माहितीनुसार, पार्थो दासगुप्ता यांनी रिपब्लिककडून मिळालेल्या पैशातून दागदागिने आणि इतर मौल्यवान वस्तू खरेदी केल्या आहेत. या सर्व वस्तू जप्त करण्यात आल्या आहेत. जप्त करण्यात आलेल्या वस्तूंमध्ये १ लाख रुपये किमतीचं घड्याळ आणि इमिटेशन ज्वेलरीसह २.२२ लाख किमतीचे काही मौल्यवान खड्यांचा समावेश आहे.

दरम्यान, अर्णब गोस्वामी यांच्या रिपब्लिक टीव्हीला आंतरराष्ट्रीय स्तरावर देखील झटका बसला होता आणि त्याचा अजेंडा देशाबाहेर देखील पकडला गेला आहे. युकेमधील कम्युनिकेशन्स नियामक कार्यालय ऑफकॉमने Worldview Media Network Limited ला तब्बल २० हजार पौंड (जवळपास १९ लाख ७३ हजार रुपये) दंड ठोठावला होता. लाईव्ह डिबेटमधुन भडकवणारी भाषा वापरून समाजात द्वेष पसरवनं हे सिद्ध झाल्याने दंड ठोठावण्यात आला होता.

कारण ठरलं होतं ६ डिसेंबरला रिपब्लिक भारतचा ‘पूंछता है भारत’ कार्यक्रम प्रसारित करण्यात आलेलं लाईव्ह डिबेट. संबंधित कार्यक्रमात पाकिस्तानी नागरिकांविरोधात द्वेषयुक्त आणि भडकवणारी भाषा वापरत प्रसारणाच्या नियमांचं उल्लंघन करण्यात आल्याचा ठपका ठेवण्यात आला होता. कम्युनिकेशन्स नियामक कार्यालयाकडून कारवाईची माहिती देत सांगण्यात आलं होतं की, “ऑफकॉमने चॅनेलला यावर स्पष्टीकरण देण्यास सांगितलं होतं आणि पुन्हा तो कार्यक्रम प्रसारित न करण्याच्या सूचना केल्या होत्या”.

News English Summary: Mumbai Police on Monday filed a report in the Mumbai High Court in connection with the TRP scam. Arnav Goswami, editor of Republic Television Network, has allegedly paid millions of rupees to Partho Dasgupta, former CEO of Broadcast Audience Research Council (BARC), to raise his television rating point (TRP).

News English Title: Republic TV in danger zone after arrest of former BARC CEO Partho Dasgupta news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.