भाजप नेते विखे पाटलांच्या हॉस्पिटल लॅबमधून कोरोनाचा खोटा अहवाल | गुन्हा दाखल

नगर, ३० डिसेंबर: कोरोना पॉझिटिव्ह असल्याचा खोटा अहवाल दिल्याप्रकरणी विळदघाट येथील पद्मश्री डॉ. विठ्ठलराव विखे पाटील मेमोरिअल हॉस्पिटलमधील क्रस्ना डिग्नोस्टिकस प्रा. लि लॅबचे प्रभारी अधिकारी, लॅब टेक्निशिन यांच्यावर फसवणुकीचा गुन्हा दाखल झाला आहे. हा प्रकार १३ ऑगस्ट २०२० ते ११ नोव्हेंबर २०२० या काळात घडला आहे. (Ahmednagar lab officer of Vikhe Patil hospital booked for providing wrong covid 19 test report)

स्थानिक बांधकाम व्यावसायिक अशोक खोकराळे यांनी याप्रकरणी पोलिसात फिर्याद दिली आहे. त्यांचे वडील बबनराव नारायण खोकराळे (वय ७९ वर्ष) यांचे दोन बनावट व खोटे करोना पॉझिटिव्ह रिपोर्ट तयार करुन फिर्यादीची व त्यांच्या कुटुंबाची फसवणूक केली, असे या तक्रारीत म्हटले आहे. बबनराव खोकराळे यांना १३ ऑगस्ट २० रोजी घशात खवखव होत असल्याने हॉटेल पतियाळा हाऊस कोविड सेंटरमध्ये दाखल केले होते. तेथून त्यांना परस्पर न्युक्लिअस हॉस्पिटलमध्ये नेण्यात आले. १६ ऑगस्ट रोजी त्यांना करोना झाल्याचे नातेवाईकांना सांगण्यात आले. त्यानंतर १८ ऑगस्टला त्यांचा करोनामुळे मृत्यू झाल्याचे सांगितले. १९ ऑगस्टला अमरधाममध्ये अंत्यसंस्कार झाले. त्यानंतर खोकराळे यांनी उपचारांची कागदपत्रे काही तज्ज्ञांना दाखवली असता रिपोर्टबाबत शंका उपस्थित झाली. त्यामुळे त्यांनी प्रशासनाकडे तक्रार केली.

त्यानंतर विळद घाटातील डॉ. विखे मेमोरियल हॉस्पिटलमधील क्रस्ना डिग्नोस्टिक लॅबमध्ये चौकशी केली असता तेथे बबनराव खोकराळे यांचे सलग दोन दिवस आरटीपीसीआर चाचणी रिपोर्ट केल्याचे अहवाल मिळाले.

तत्पूर्वी, सध्या फरार असलेला नाशिकचा लिकर किंग अतुल मदन प्रकरणात राधाकृष्ण विखे-पाटील (liquor king Atul Madan connection with BJP leader Radhakrishna Vikhe Patil) अडचणीत येण्याची शक्यता निर्माण झाली होती. नाशिक ग्रामीण पोलिसांनी मोठ्या प्रमाणात अवैध मद्यसाठा जप्त केला होता. हा मद्यसाठा लिकर किंग अतुल मदनच्या वाईन शॉपमध्ये जात असल्याचं समोर आलं होतं. त्यानंतर नाशिक जिल्हाधिकाऱ्यांच्या आदेशानंतर अतुल मदन याचे नाशिकमधील 14 वाईन शॉप सील करण्यात आले होते. हा मद्यसाठा विठ्ठलराव विखे-पाटील कारखान्यातून आल्याचा संशय उत्पादन शुल्क विभागाला आहे.

News English Summary: Dr. Padma Shri from Viladghat for falsely reporting that Corona was positive. Krasna Diagnostics Pvt. Ltd. at Vitthalrao Vikhe Patil Memorial Hospital. The officer in charge of the lab, Lab Technician, has been charged with fraud. This type occurred between 13 August 2020 and 11 November 2020.

News English Title: Ahmednagar lab officer of Vikhe Patil hospital booked for providing wrong covid 19 test report news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.