मी परत येईन ऐवजी आता परत जायची वेळ आली | फडणवीसांना टोला

पुणे, ६ जानेवारी: औरंगाबादचं नामांतर करण्याच्या मुद्द्यावरुन माजी मुख्यमंत्री आणि विधानसभा विरोधी पक्षनेते देवेंद्र फडणवीस यांनी शिवसेना व काँग्रेसवर टीका केली असून ही नाटक कंपनी असल्याचं म्हटलं आहे. त्यांच्या या टीकेला विधानपरिषदेच्या उपसभापती निलम गोऱ्हे यांनी उत्तर दिलं आहे. मुख्यमंत्री उद्धव ठाकरे योग्य वेळी निर्णय घेतील असं देखील त्या म्हणाल्या आहेत. पुण्यात आयोजित पत्रकार परिषदेत त्या बोलत होत्या.

सरकारवर टीका करणं हेच विरोधी पक्षाच्या नेत्यांचं काम आहे. जर त्यांनी टीका केली नाही तर ते नाटक कंपनीतीलच एक पात्र आहेत का अशी शंका वाटेल. प्रेक्षक म्हणून ते चांगली भूमिका निभावत आहेत. आमच्या भूमिकेवर शंका घेण्याची आवश्यकता नाही. त्यांना धक्का बसला आहे. मी परत येईन ऐवजी आता परत जायची वेळ आली आहे,” असं उत्तर निलम गोऱ्हे यांनी फडणवीसांच्या टीकेला दिला.

राजकीय भूमिका घेणं हे विरोधी नितीचं कामच आहेच. एकतर त्यांना धक्का बसला मी परत येईन ऐवजी आता परत जायची वेळ आली आहे, असा खोचक टोला त्यांनी लगावला आहे. तसंच, मी चंद्रकांत पाटलांना कोल्हापुरातून निवडुन येण्याच्या आधी परत एकदा कोथरुड मध्ये निवडुन येऊन दाखवा, असं म्हणाले होते. त्यामुळं परत जाण्याच्या आणि येण्याच्या आधी त्याबद्दलच्या संकल्पाचा आधी विचार करा, असंही त्या म्हणाल्या आहेत.

News English Summary: Former Chief Minister and Leader of Opposition in the Assembly Devendra Fadnavis has criticized Shiv Sena and Congress over the issue of renaming Aurangabad as a drama company. Deputy Speaker of the Legislative Council Neelam Gorhe has replied to his criticism. She also said that Chief Minister Uddhav Thackeray would take a decision at the right time. She was speaking at a press conference in Pune.

News English Title: Deputy Speaker of the Legislative Council Neelam Gorhe criticised Devendra Fadanvis over Aurangabad renaming politics news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.