राणेंनी उद्घाटनाला पहिल्यांदा पावरफुल 'डेअरिंगबाज' माणसाला बोलावलं होतं | सोशल व्हायरल

कणकवली, ०८ फेब्रुवारी: भारतीय जनता पक्षाचे राज्यसभेचे खासदार नारायण राणे यांनी उभारलेल्या लाईफटाईम हॉस्पिटलचं लोकार्पण केंद्रीय गृहमंत्री अमित शाहांच्या हस्ते काल पार पडले. या कार्यक्रमाला विधानसभेचे विरोधी पक्षनेते देवेंद्र फडणवीस, भाजपचे प्रदेशाध्यक्ष चंद्रकांत पाटील यांच्यासह भाजपचे प्रमुख नेते हजर होते. त्यावेळी नारायण राणे म्हणाले होते.”आमच्या काही डॉक्टरांना विचारलं उद्घाटन कोणाच्या हस्ते करायचं? तुम्ही ज्याप्रकारे मेडिकल कॉलेज सुरू करण्याचं धाडस केलं. तेव्हा उद्घाटनाला डेअरिंगबाज माणूस हवा म्हणून शहांना बोलावलं”, असंही भाजप नेते नारायण राणे म्हणाले होते.

अमित शाह यांना उद्घाटनाला बोलावण्यामागे आमच्या काही भावना आहेत. आम्ही जंगलात, सिंधुदुर्ग जिल्ह्यात 650 बेड्सचं हॉस्पिटल आणि मेडिकल कॉलेज तयार केलं. आमच्या काही डॉक्टरांना विचारलं उद्घाटन कोणाच्या हस्ते करायचं? तुम्ही ज्याप्रकारे मेडिकल कॉलेज सुरु करण्याचं धाडस केलं. त्यासाठीदेखील तशाच धाडसी माणसाच्या हस्ते उद्घाटन व्हायला हवं. त्यासाठीच मी दिल्लीत गेलो. त्यांना सांगताच, त्यांनी येणार असं आश्वासन दिलं. ही आमच्यासाठी खूप आनंदाची गोष्ट आहे. मी गेल्या अनेक वर्षात राज्यभरात भरपूर काम केलंय, असंही राणे म्हणाले होते.

मात्र खासदार नारायण राणे यांनी अमित शहा यांची स्तुती करताना म्हटलं होतं की, ‘उद्घाटनाला डेअरिंगबाज माणूस हवा म्हणून शहांना बोलावलं’. मात्र त्यानंतर समाज माध्यमांवर देशातील तसेच राज्यातील ‘पावरफुल’ नेत्याचे फोटो समाज माध्यमांवर व्हायरल होतं आहेत.

खासदार नारायण राणे यांच्या स्वप्नातील व कोकणातील उच्च दर्जाच्या सुपर स्पेशालिटी एसएसपीएम लाईफटाईम हॉस्पिटल व मेडिकल कॉलेजचे उद्घाटन व लोकार्पण सोहळा मुख्यमंत्री देवेंद्र फडणवीस यांच्या हस्ते तीन वर्षांपूर्वी पार पडला होता. या सोहळ्याला प्रमुख पाहुणे म्हणून राष्ट्रवादी काँग्रेसचे अध्यक्ष शरद पवार उपस्थित होते. राज्याचे तत्कालीन महसूलमंत्री चंद्रकांतदादा पाटील, उच्च शिक्षण मंत्री विनोद तावडे, वैद्यकीय शिक्षण मंत्री गिरीष महाजन, जलसंधारण मंत्री राम शिंदे आणि ऊर्जामंत्री चंद्रशेखर बावनकुळे उपस्थित होते.

राणेंनी उद्घाटनाला पहिल्यांदा पावरफुल ‘डेअरिंगबाज’ माणसाला बोलावलं होतं | सोशल व्हायरल pic.twitter.com/lx3uiuvGgl

— महाराष्ट्रनामा न्यूज (@MahaNewsConnect) February 8, 2021

News English Summary: Bharatiya Janata Party Rajya Sabha MP Narayan Rane inaugurated the Lifetime Hospital at the hands of Union Home Minister Amit Shah yesterday. Leader of Opposition in the Assembly Devendra Fadnavis, BJP state president Chandrakant Patil and other BJP leaders were present on the occasion. At that time, Narayan Rane had said. The way you dared to start a medical college. I called the Shah for the inauguration as I wanted a daring man, ”said BJP leader Narayan Rane.

News English Title: Amit Shah inaugurated the Lifetime Hospital of BJP MP Narayan Rane in Konkan news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.