Breaking | अखेर संजय राठोडांनी मातोश्रीवर राजीनामा पाठवला

मुंबई, १६ फेब्रुवारी: पूजा चव्हाण आत्महत्याप्रकरणामुळे वादाच्या भोवऱ्यात सापडलेले वनमंत्री आणि शिवसेना नेते संजय राठोड यांनी अखेर आपल्या पदाचा राजीनामा दिला आहे. सूत्रांच्या माहितीनुसार, संजय राठोड यांनी मातोश्रीवर आपला राजीनामा पाठवला आहे. त्यामुळे आता मुख्यमंत्री उद्धव ठाकरे हा राजीनामा स्वीकारणार की नाकारणार, याकडे सगळ्यांचे लक्ष लागले आहे.

दरम्यान, आज मातोश्रीवर संजय राठोड यांच्याबाबत निर्णय घेण्यासाठी शिवसेनेच्या वरिष्ठ नेत्यांची महत्त्वाची बैठकही पार पडणार असल्याचे सांगितले जात होते. मात्र, आता संजय राठोड यांच्या राजीनाम्यानंतर ही बैठक होणार का, हे देखील पाहणे महत्वाचे असणार आहे.

तर पक्ष किंवा सरकार अडचणीत येत असेल तर राजीनामा घेऊन ठेवावा असाही एक मतप्रवाह शिवसेनेत पाहायला मिळत आहे. पूजा चव्हाण आत्महत्या प्रकरणानंतर संजय राठोड यांच्यावर खूप मोठ्या प्रमाणात दबाव आहे. गेल्या काही दिवसांपासून राठोड अज्ञातवासात आहेत, त्यांनी या प्रकरणावर काहीही भाष्य केले नाही, मात्र बंजारा सामाजाने आणि पूजा चव्हाणच्या कुटुंबीयांनी संजय राठोड यांना क्लिन चीट दिली आहे. मात्र या प्रकरणात मुख्यमंत्री उद्धव ठाकरेंनी सावध भूमिका घेतली आहे.

News English Summary: Forest Minister and Shiv Sena leader Sanjay Rathod, who was embroiled in controversy over the Pooja Chavan suicide case, has finally resigned. According to sources, Sanjay Rathod has sent his resignation to Matoshri. Therefore, now all eyes are on whether Chief Minister Uddhav Thackeray will accept his resignation or not.

News English Title: Forest Minister Sanjay Rathod sent resignations letter to CM Uddhav Thackeray over Pooja Chavan suicide case news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.