बेरोजगारी उच्चांकावर | १३ शिपाई पदांसाठी २७ हजार अर्ज | हजारो पदवीधर

चंदीगड, २० फेब्रुवारी: देशावर कित्येक वर्षांपासून बेरोजगारीचे संकट ओढवलेले आहे. सरकार बेरोजगारांना रोजगार देण्याच्या घोषणा करतं पण प्रत्यक्षात मात्र असं काही होत नाही. हरियाणा राज्यातील पानीपतमध्ये बेरोजगारीचा प्रश्न किती भीषण होत चाललेला आहे याची भीषणता दाखणारी घटना घडली आहे.

पानीपतमधील न्यायालयातील गट क वर्गातील १३ शिपाई पदांसाठी अर्ज मागवण्यात आले होते. यासाठी पात्रता फक्त आठवी पास ठेवण्यात आली होती. मात्र १३ जागांसाठी चक्क २७ हजार ६७१ उमेदवारांनी अर्ज केले होते. हॉटेल मॅनेजमेंट, डिप्लोमा, बीटेक अशा पदवीचे शिक्षण घेतलेल्या तरूण तरूणींनी अर्ज केले होते. भरतीच्या दिवशी सर्व उच्च शिक्षित तरूणतरुणी न्यायालयाच्या मैदानावर उपस्थित होते.

उच्च शिक्षण घेऊनही चांगली नोकरी मिळत नसल्याने शिपाई का होईना पण नोकरी मिळवून आपल्या परिवाराचा सांभाळ करता यावा. या हेतूने तरूण तरूणी मोठ्या संख्येने उपस्थित होते. आता २७ हजारांपेक्षा जास्त उमेदवारातून कोणाची निवड करण्यात येते. हे पाहणं महत्वाचं ठरणार आहे. सध्या कोरोनाची महामारी देशात पसरली आहे. कोरोनामुळे अनेकांच्या नोकऱ्या गेल्या आहेत. त्यामुळे रोजगारीचा प्रश्न फक्त हरियाणामध्येच नाहीतर संपुर्ण देशातील नागरिकांना उद्भवला आहे.

News English Summary: Applications were invited for 13 Group C posts in Panipat court. Eligibility for this was only eighth pass. However, 27 thousand 671 candidates had applied for 13 seats. The application was made by young women with degrees like Hotel Management, Diploma, BTech. On the day of recruitment all the highly educated youth were present on the court grounds.

News English Title: 27 thousand 671 candidates had applied for 13 seats for Panipat court vacancy news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.