हे पवार साहेबांचं सरकार हाय, तुमच्या बापाच्यानं पण पडणार नाय - आनंद शिंदे

पंढरपूर, १३ एप्रिल: सरकार बदलायचं माझ्यावर सोडा, अशी गर्जना करणारे विरोधीपक्ष नेते देवेंद्र फडणवीस यांना लोकगायक आनंद शिंदे यांनी गाण्यातून टोला हाणला. ‘हे पवार साहेबांचं सरकार हाय, तुमच्या बापाच्यानं पण पडणार नाय’ असा इशारा आनंद शिंदेंनी दिला. मित्र भारत भालके यांच्या प्रेमाखातर आनंद शिंदे हे त्यांचे चिरंजीव आणि राष्ट्रवादी काँग्रेसचे उमेदवार भगीरथ भालके यांच्या प्रचारासाठी सोमवारी मंगळवेढ्यात आले होते.

आनंद शिंदे हे मूळचे मंगळवेढ्याचे आहेत. त्यांचे आणि पंढरपूर मंगळवेढा मतदारसंघाचे दिवंगत आमदार भारत भालके यांचे मैत्रीपूर्ण संबंध होते. त्यामुळे मंगळवेढा पोटनिवडणुकीत राष्ट्रवादीकडून तिकीट मिळालेल्या भगीरथ भालके यांच्या प्रचारासाठी आनंद शिंदेंनी मंगळवेढ्यात हजेरी लावली. त्यावेळी त्यांनी स्वर्गीय भारत भालके यांच्या आठवणींना उजाळा देताना भगीरथ भालके यांना निवडून आणण्याचे आवाहन शिंदेंनी केले.

यावेळी सरकार कधी बदलायचं ते माझ्यावर सोडा, म्हणणाऱ्या देवेंद्र फडणवीसांचाही त्यांनी खरमरीत शब्दात समाचार घेतला. ’’हे पवार साहेबांचं सरकार हाय, तुमच्या बापाच्यानं पडणार नाय’’, असा टोला आनंद शिंदे यांनी देवेंद्र फडणवीस यांचे नाव न घेता लगावला.

काय होत्या गाण्याच्या ओळी?

तुम्ही चिडवताय,
आम्ही चिडणार नाय.
तुम्ही लय काय करताय,
तसं काय घडणार नाय.
तुम्ही रडवताय
पण आम्ही रडणार नाय.
हे पवार साहेबांचं सरकार हाय,
तुमच्या बापाच्यानं पण पडणार नाय.

News English Summary: Opposition leader Devendra Fadnavis, who was shouting “Leave me to change the government”, was slammed by folk singer Anand Shinde. Anand Pawar warned. Anand Shinde had come to Mangalvedha on Monday for the campaign of his friend Bharat Bhalke and his Chiranjeev and NCP candidate Bhagirath Bhalke.

News English Title: Anand Shinde slams Devendra Fadnavis over his statement regading MahaVikas Aghadi at Pandharpur Mangalvedha news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.