सुप्रिया सुळेंनी ‘ब्रीच कॅंडी’च्या गेटवरुन पंढरपूरची सभा गाजवली

मुंबई, १४ एप्रिल: एकीकडे राष्ट्रवादीचे अध्यक्ष शरद पवार सध्या मुंबईच्या ब्रीच कॅंडी रुग्णालयात एडमिट आहेत. २ दिवसांपूर्वी त्यांच्यासह शस्त्रक्रिया झाल्याने सध्या ते रुग्णालयात आहेत. तर दुसरीकडे.पंढरपूर-मंगळवेढा पोटनिवडणूक तोंडावर आली आहे. आमदार भारत भालके यांच्या अकाली निधनामुळे त्यांच्या रिक्त जागी त्यांच्या मुलाला म्हणजे भगीरथ भालके यांना राष्ट्रवादीकडून उमेदवारी देण्यात आली आहे.

ब्रीच कँडी रुग्णालयाच्या गेटवरुन सुप्रिया सुळे यांनी घेतलेल्या व्हर्च्युअल सभेची छायाचित्रं सध्या सोशल मीडियावर व्हायरल होत आहेत. यावेळी सुप्रिया सुळे यांनी आपल्या भाषणात म्हटले की, भालके नाना यांच्यासोबत आम्ही पंढरपूरचा चेहरामोहरा बदलायचे ठरवले होते. त्यामुळे भारत भालके आणि पंढरपूरासोबत आमचं एक वेगळं नातं होतं. मात्र, नाना अर्ध्या वाटेवर साथ सोडतील असं वाटलं नव्हतं. त्यामुळे आता विश्वासाच्या नात्याने ही जबाबदारी भगीरथ भालके यांच्यावर सोपविली आहे. आता आपण नानांची अधुरी स्वप्नं पूर्ण करु. त्यासाठी जनतेने राष्ट्रवादी काँग्रेसला विजयी करावे, असे आवाहन खासदार सुप्रिया सुळे यांनी केले.

पंढरपूर-मंगळवेढा विधानसभा मतदारसंघातील पोटनिवडणुकीच्या प्रचारात व्हिडीओ कॉन्फरन्सच्या माध्यमातून उपस्थित राहिले.मला या प्रचारसभेसाठी प्रत्यक्ष यायचं होतं परंतु सध्याची परिस्थिती लक्षात घेता या सभेला ऑनलाईन उपस्थित राहण्याचा निर्णय घेतला. pic.twitter.com/DlQ3eGUA3D

— Supriya Sule (@supriya_sule) April 14, 2021

१७ एप्रिलला ही निवडणूक होणार असून भारतीय जनता पक्ष आणि राष्ट्रवादीसाठी ही निवडणूक प्रतिष्ठेची मानली जात आहे. दरम्यान, आपल्या उमेदवाराच्या प्रचारासाठी नेते सभा घेताना दिसत आहेत. वडिलांची तब्येत ठीक नसल्याने पंढरपूरात थेट न जाताही राष्ट्रवादीच्या खासदार सुप्रिया सुळे यांनी पंढरपूरची सभा गाजवली आहे. आज (१४ एप्रिल) सुप्रिया सुळे यांनी ब्रीच कँडी रुग्णालयाबाहेरुनच व्हर्च्युअल सभा घेत पंढरपूरच्या मतदारांशी संवाद साधला.

News English Summary: On the one hand, NCP president Sharad Pawar is currently admitted to Breach Candy Hospital in Mumbai. He underwent surgery two days ago and is currently in hospital. On the other hand, Pandharpur-Mangalvedha by-election is imminent. Due to the untimely demise of MLA Bharat Bhalke, his son Bhagirath Bhalke has been nominated by the NCP to fill the vacancy.

News English Title: NCP president Sharad Pawar is currently admitted to Breach Candy Hospital in Mumbai news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.