पंढरपूर-मंगळवेढा | पोटनिवडणूकीच्या मतदानाला सुरुवात

पंढरपूर, १७ एप्रिल: मागील अनेक दिवसांपासून ज्या निवडणूकीची जय्यत तयारी, सभा सुरू होत्या तो दिवस आज (१७ एप्रिल) आला आहे. पंढरपूर-मंगळवेढा विधानसभेच्या पोटनिवडणुकीसाठी आज मतदान सुरू झाले आहे. या निवडणूकीत राष्ट्रवादीकडून दिवंगत आमदार भारत भालके यांचे पुत्र भगीरथ भालके यांना उमेदवारी देण्यात आली असून भाजपकडून समाधान आवताडे यांना उमेदवारी देण्यात आली आहे.

आमदार भारत भालके यांच्या निधनामुळे पंढरपूर-मंगळवेढा विधानसभेच्या पोटनिवडणुकीसाठी आज मतदान होत आहे. सकाळी ७ वाजल्यापासून या ठिकाणी मतदानाला सुरुवात झाली आहे. कोरोनामुळे हे मतदान १२ तासांचे असणार आहे.

पंढरपूर-मंगळवेढा विधानसभा पोटनिवडणुकीच्या मतदानासाठी प्रशासनाकडून जय्यत तयारी करण्यात आली आहे. या पोटनिवडणुकीच्या मतदानाच्या आदल्या दिवशी म्हणजेच काल ईव्हीएम मशिनसह इतर आवश्यक सर्व साहित्य मतदान केंद्रावर रवाना करण्यात आले. पंढरपूर विधानसभा पोटनिवडणुकीत मतदारांना मतदानाचा हक्क बजावता यावा यासाठी सोलापूर जिल्ह्यातील संचारबंदी शिथिल करण्यात आली आहे. पण जमावबंदीचे आदेश लागू राहणार आहे.

पंढरपूर-मंगळवेढा विधानसभा पोटनिवडणुकीचे मतदान हे १२ तास केले जाणार आहे. मतदानाच्या दिवशी कोणताही अनुचित अथवा चुकीचा प्रकार घडू नये म्हणून पोलिसांचा तगडा बंदोबस्त या ठिकाणी ठेवण्यात आला आहे. सकाळी ७ वाजल्यापासून रात्री ७ वाजेपर्यंत पोलीस बंदोबस्त असणार आहे. संवेदनशील असणाऱ्या १६ मतदान केंद्रांवर विशेष पोलीस बंदोबस्त देण्यात आला आहे. मतदानाच्या दिवशी स्थानिक पोलीस, होमगार्ड, राज्य राखीव पोलीस दलाच्या तुकड्या असा अडीच हजार पोलिसांचा बंदोबस्त तैनात करण्यात आला आहे.

News English Summary: Today (April 17) is the day for which the election preparations and rallies have been going on for the last several days. Voting for the Pandharpur-Mangalvedha Assembly by-election has started today. In this election, Bhagirath Bhalke, son of late MLA Bharat Bhalke has been nominated by NCP and Samadhan Avtade has been nominated by BJP.

News English Title: Pandharpur Mangalvedha assembly by poll election voting today news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.