नारायण राणेंच्या दाव्याला प्रत्यक्षदर्शीचा दुजोरा | पार्टीत दिशावर सामूहिक बलात्कार झाला

मुंबई, १९ सप्टेंबर : अभिनेता सुशांत सिंह राजपूतची एक्स मॅनेजर दिशा सालियन हिच्या मृत्यूप्रकरणी एका प्रत्यक्षदर्शीने मोठा खुलासा केला आहे. दिशाच्या मृत्यूच्या दिवशी पार्टीमध्ये तिच्यावर सामूहिक बलात्कार झाल्याचा खुलासा प्रत्यक्षदर्शीने ‘न्यूज नेशन’ या वृत्तवाहिनीकडे केला. त्या पार्टीमध्ये बॉलिवूडमधला एक स्टारसुद्धा उपस्थित होता, असंही त्याने सांगितलं.

“पार्टीमध्ये एकूण सहा जण उपस्थित होते. दिशाचा होणारा पती रोहन रॉयसुद्धा उपस्थित होता. चार जणांनी मिळून दिशावर बलात्कार केला. दिशाचा आवाज बाहेर ऐकू जाऊ नये म्हणून मोठ्या आवाजात गाणी लावली होती,” अशी धक्कादायक माहिती प्रत्यक्षदर्शीने दिली.

दिशाचा ८ जून रोजी मुंबईतील एका इमारतीतील चौदाव्या मजल्यावरून पडल्यामुळे मृत्यू झाला. गेल्या महिन्यात दिशाच्या वडिलांनी तक्रार दाखल केल्यानंतर मुंबई पोलिसांनी मृत्यूची चौकशी सुरू केली. दिशाबाबत अफवा पसरवल्या प्रकरणी त्यांनी मालवणी पोलीस स्टेशनमध्ये तक्रार दाखल केली. दिशाच्या मृत्यूनंतर एका आठवड्यानंतर १४ जून रोजी सुशांतचा मुंबईतील त्याच्या राहत्या घरी मृतदेह आढळला.

तत्पूर्वी प्रसार माध्यमांशी संवाद साधताना काय म्हटलं होतं भाजप खासदार नारायण राणे यांनी:
“सुशांत सिंह राजपूतची माजी मॅनेजर दिशा सालियनच्या आत्महत्याची पोलिसांनी चौकशी का केली नाही, माझ्या माहितीनुसार तिने आत्महत्या केली नाही, तर तिची देखील हत्या केली आहे. तिच्यावर बलात्कार करुन तिला मारण्यात आलं आहे. तिच्या गुप्तांगावर जखमा आहेत. त्यामुळे पोलिसांनी त्या दृष्टीने तपास करायला हवा,” असे नारायण राणे म्हणाले होते. “सुशांत सिंह प्रकरणात मुंबई पोलीस कोणाला वाचवतंय,” असा प्रश्नही नारायण राणे यांनी त्यावेळी उपस्थित केला होता.

तसेच ३ दिवसांपूर्वी भाजप आमदार नितेश राणे यांनी दावा केला होता की, “दिशा सालियन आणि सुशांत सिंह राजपूतच्या आत्महत्येचा थेट संबंध आहे. विशेष म्हणजे या संदर्भात आमदार नितेश राणे यांनी केंद्रीय गृहमंत्री अमित शहा यांना पत्र लिहिलं आहे.

8 जून रोजी दिशा सालियान हिनं आत्महत्या केली होती. त्यानंतर 14 जूनला सुशांतनं देखील आत्महत्या केली. त्यामुळे दिशा सालियन आणि सुशांतच्या आत्महत्येचा थेट संबंध असल्याचं नितेश राणे यांनी म्हटलं होतं. 8 जूनला दिशा ज्या पार्टीत होती, तिथे तिच्यासोबत काही चुकीचं झालं होतं. ती तिथून निघाली होती. त्यावेळी तिनं सुशांतला फोनही केला होता. यावेळी दिशासोबत रोहन रॉय हा होता. दिशा इमारतीवरून पडली तेव्हा रोहन रॉय यानं तातडीनं खाली येणं अपेक्षीत होतं. मात्र, तसं झालं नाही. रोहन रॉय हा तब्बल 25 मिनिटांनी खाली आला. त्यामुळे रोहन रॉयची सीबीआय चौकशी होणे गरजेचं आहे असं त्यांनी म्हटलं होतं.

News English Summary: A new sensational fact has come to light in the case of the mysterious death of Disha Salian, the former manager of late actor Sushant Singh Rajput. An eyewitness has told News Nation that Disha Salian was gang-raped by 4 men in the party which she attended on the eve of her death on June 8. The person, who the media house claims was present at the party which the celebrity manager had attended in Juhu, said that Disha’s screams were suppressed behind the blaring music which was being played in the party.

News English Title: An Eyewitness Tells Media That SSR Ex Manager Disha Salian Was Gang Raped By 4 Men In The Party Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.