बॉलिवूडचे प्रसिद्ध संगीतकार वाजिद खान यांचे निधन

मुंबई, १ जून: अभिनेता इरफान खान आणि ऋषी कपूर यांच्या मृत्यूच्या धक्क्यातून सावरत असतानाच बॉलिवूडला आणखी एक धक्का बसला आहे. वॉन्टेड, दबंग, एक था टायगर यांसारख्या सुपरहिट चित्रपटांना संगीत देणारे प्रसिद्ध संगीतकार वाजिद खान यांचे निधन झाले आहे. ते अवघ्या ४२ वर्षांचे होते.

वाजिद यांना आरोग्याच्या खूप समस्या होत्या. काही वर्षांपूर्वी त्यांच्यावर किडनी प्रत्यारोपन शस्त्रक्रियाही करण्यात आली होती. किडनीमध्ये इन्फेक्शन झाल्याने गेल्या काही दिवसांपासून त्यांच्यावर चेंबूर येथील सुराना रुग्णालयात उपचार सुरु होते. तर मागील ४ दिवसांपासून त्यांना व्हेंटिलेटरवर ठेवण्यात आले होते. त्यांची कोविड चाचणीही पॉझिटिव्ह आली होती. अखेर उपचारादरम्यान त्यांची प्राणज्योत मालवली.

Maharashtra: Music composer & singer Wajid Khan passes away at a hospital in Mumbai. pic.twitter.com/PnWkX5RrCq

— ANI (@ANI) May 31, 2020

सांगायचं झालं तर गेल्या दोन महिन्यांमध्ये बॉलिवूडला बसलेला हा तिसरा मोठा धक्का आहे. सर्व प्रथम २९ एप्रिल रोजी अभिनेते इरफान खान यांनी या जगाचा निरोप घेतला. या घटनेला २४ तास उलटत नाही तर दिग्गज अभिनेते ऋषी कपूर यांच्या निधनाची धक्कादायक बातमी समोर आली. तर आज महिन्याच्या पहिल्याच दिवशी दिग्गज संगीतकार वाजिद खान यांनी अखेरचा श्वास घेतला.

News English Summary: Bollywood has suffered another setback as it is recovering from the deaths of actors Irrfan Khan and Rishi Kapoor. Famous musician Wajid Khan, who composed music for superhit films like Wanted, Dabangg, Ek Tha Tiger, has passed away. He was just 42 years old.

News English Title: Bollywood music director Wajid Khan passes away at 42 News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.