ड्रग पब ऍण्ड पार्टी संस्कृतीला प्रोत्साहन देणाऱ्या नाईटलाईफ गँगमुळे सुशांतचा बळी - आ. आशिष शेलार

मुंबई, २७ ऑगस्ट : सुशांत सिंह राजपूतच्या मृत्यूला रिया चक्रवर्ती जबाबदार असल्याचा आरोप के. के. सिंह यांनी याआधी केला आहे. त्यांनी पाटण्यातील पोलीस ठाण्यात याप्रकरणी एफआयआर नोंदवला. रिया आणि तिच्या कुटुंबीयांमुळेच सुशांतनं आत्महत्या केली. त्यांनीच सुशांतला आत्महत्या करण्यास भाग पाडलं, असे आरोप सिंह यांनी केले होते. मात्र आता त्यांनी थेट रियानं सुशांतवर विषप्रयोग केल्याचा आरोप केला आहे. रिया बऱ्याच दिवसांपासून माझ्या मुलाला विष देत होती. ती माझ्या मुलाची मारेकरी आहे, असा गंभीर आरोप सिंह यांनी केला आहे.

दरम्यान, सीबीआय तपास करत असल्यापासून सुशांत सिंह राजपूतच्या केसमध्ये रोज नव्याने खुलासे होत आहे. अशातच आता सुशांतची गर्लफ्रेन्ड रिया चक्रवर्ती पहिल्यांदाच समोर आली आहे. रियावर आता ड्रग्ससंबंधी आरोप लावले जाात आहे. तसे पुरावे तिच्या चॅटींगमधून मिळाले आहेत. त्यामुळे या केसमध्ये एक वेगळं वळण आलं आहे.

दरम्यान या मुद्द्यावरून आता भाजप आमदार आशिष शेलार यांनी आरोप केले आहेत. ड्रग पब ऍण्ड पार्टी संस्कृतीला प्रोत्साहन देणाऱ्या नाईटलाईफ गँगने सुशांतचा बळी घेतल्याचं ट्विट आशिष शेलार यांनी केलं आहे. या “ड्रग-पब-पार्टी” टोळीचे सदस्य कोण आहेत? त्यांचे संरक्षण कोण करीत आहे? मुंबई पोलिसांच्या तपासाची दिशा कोणी बदलली? #ED #CBI सत्य समोर आणते आहे! खरे चेहरे ही समोर येतीलच!! न्याय होईल!, असंही आशिष शेलार म्हणाले आहेत.

नाईटलाईफ संस्कृतीचे पुरस्कर्ते तसेच “ड्रग- पब-अँड पार्टी” गँगने सुशांत सिंह रजपूतचा बळी घेतला!
या “ड्रग-पब-पार्टी” टोळीचे सदस्य कोण आहेत? त्यांचे संरक्षण कोण करीत आहे? मुंबई पोलिसांच्या तपासाची दिशा कोणी बदलली? #ED #CBI सत्य समोर आणते आहे! खरे चेहरे ही समोर येतीलच!! न्याय होईल!

— Adv. Ashish Shelar – ॲड. आशिष शेलार (@ShelarAshish) August 27, 2020

News English Summary: BJP MLA Ashish Shelar tweeted that Sushant was killed by a nightlife gang promoting drug drug and party culture. Who are the members of this drug-pub-party gang? Who is protecting them asked BJP MLA Ashish Shelar.

News English Title: Night life gang cost Bollywood actor Sushant Singh Rajput life says BJP MLA Ashish Shelar News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.