सुशांतप्रकरणी संदीप सिंहची चौकशी करताना भाजप अँगलनेही तपास करावा - सचिन सावंत

मुंबई, २८ ऑगस्ट : अभिनेता सुशांत सिंह राजपूतच्या मृत्यू प्रकरणाचा तपास सीबीआयकडून सुरू आहे. या प्रकरणाचा तपास आधी मुंबई पोलिसांकडून सुरू होता. मात्र सुशांतच्या कुटुंबासह विरोधकांनी सीबीआय तपासाची मागणी केली. महाविकास आघाडी सरकार सुशांतच्या गुन्हेगारांना वाचवत असल्याचा गंभीर आरोप भाजपानं केला होता. यानंतर आता काँग्रेसनं भाजपावर जोरदार पलटवार केला आहे. सुशांतच्या मृत्यू प्रकरणात संदीप सिंहचं नाव पुढे आलं आहे. त्याची चौकशी करण्याची मागणी काँग्रेसनं केली आहे.

.@OfficeofUT , @AnilDeshmukhNCP request you to see @BJP4India angle in following request. CBI to qn Mr. Sandeep Singh in drug nexus in #SushantSinghRajputDeathCase . He is a producer of a biopic ‘PM Narendra Modi’ whose poster was launched by Fadnavis ji.https://t.co/ZmqaXwWCGP https://t.co/Ne1lFxZKEu pic.twitter.com/7TyO3u2Trn

— Sachin Sawant सचिन सावंत (@sachin_inc) August 28, 2020

संदीप सिंह याचा देवेंद्र फडणवीसांसोबतचा फोटो त्यांनी ट्विट केला आहे. सुशांतसिंह प्रकरणात चित्रपट निर्माता संदीप सिंह वादात आहे. संदीप सिंह हा ‘पंतप्रधान मोदी’ यांच्यावरील चित्रपटाचा निर्माता आहे. या चित्रपट पोस्टर प्रकाशनावेळी संदीप सिंह हा माजी मुख्यमंत्री देवेंद्र फडणवीस यांच्यासह व्यासपीठावर दिसत आहे. त्यामुळं ‘सुशांतप्रकरणी संदीप सिंहची चौकशी करताना भाजपचाही तपास करावा, ड्रग्जप्रकरणी चौकशी करताना भाजप अँगलनेही तपास करा’, असं सचिन सावंत यांनी म्हटलंय.

maachi n_inc थोडा होमवर्क नीट करत जा. आता हे पहा आणि आता याच्याशी पण संबंध जोडणार का सचिन सावंतजी? https://t.co/ddSsGQo9Y2 pic.twitter.com/H3fkShlDNQ

— Keshav Upadhye (@keshavupadhye) August 28, 2020

दरम्यान, सचिन सावंत यांच्या आरोपांना केशव उपाध्ये यांनी उत्तर दिलं आहे. बाळासाहेब ठाकरेंचा बायोपिक संदीप सिंह बनवणार असल्याचा दिला दाखला उपाध्ये यांनी दिला आहे. सावंत यांच्या ट्वीटला री-ट्वीट करत उपाध्ये यांनी ‘थोडा होमवर्क नीट करत जा. आता हे पहा आणि आता याच्याशी पण संबंध जोडणार का सचिन सावंतजी?’ असं म्हटलं आहे.

News English Summary: Sandeep Singh is the producer of a film on ‘Prime Minister Modi’. Sandeep Singh is seen on stage with former Chief Minister Devendra Fadnavis during the release of the film poster. Therefore, while interrogating Sandeep Singh in the Sushant case, the BJP should also be investigated.

News English Title: Sachin Sawant requests to investigate BJP drug angle with Mr Sandeep Singh in Sushant Singh case News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.