भोसरी भूखंड प्रकरण | फडणवीसांचा साक्षीदार म्हणून जबाब नोंदवा - अंजली दमानिया

मुंबई, ०२ मार्च: माजी मंत्री आणि राष्ट्रवादी काँग्रेसचे ज्येष्ठ नेते एकनाथ खडसे यांचा कथित सहभाग असलेल्या भोसरी भूखंड गैरव्यवहारप्रकरणात विशेष न्यायालयाने साक्षीदार म्हणून विद्यमान विरोधीपक्षनेते आणि तत्कालीन मुख्यमंत्री देवेंद्र फडणवीस यांचा जबाब नोंदवावा, अशी मागणी सामाजिक कार्यकर्त्या अंजली दमानिया यांनी केली आहे. तसेच भोसरी भूखंड भ्रष्टाचारप्रकरणी लाचलुचपत प्रतिबंधक विभागाने (ACB) चौकशीसाठी झोटिंग कमिटीचा अहवाल संदर्भ म्हणून वापरावा, असेही त्यांनी म्हटले आहे.

सामाजिक कार्यकर्त्या अंजली दमानिया यांचे वकील असीम सरोदे यांनी सोमवारी विशेष न्यायालयात संबंधित मागणी केली. भोसरी भूखंड प्रकरणाच्या चौकशीसाठी स्थापन केलेल्या एकसदस्यीय कमिटीचे अध्यक्ष न्यायाधीश डी. एस .झोटिंग यांचे लाचलुचपत प्रतिबंधक विभागाने सहकार्य घ्यावे, अशी सूचनाही दमानिया यांनी मांडली. आता 8 मार्च रोजी याप्रकरणात लाचलुचपत प्रतिबंधक खात्याकडून युक्तिवाद करण्यात येणार आहे. यानंतर न्यायालय काय निर्णय देणार, याकडे साऱ्यांचे लक्ष लागले आहे.

त्यामुळे देवेंद्र फडणवीस यांच्या अडचणीत प्रचंड वाढ होण्याची शक्यता निर्माण झाली आहे. त्यामुळे न्यायालय याबाबत नेमकी काय निर्णय देणार ते महत्वाचं ठरणार आहे.

News English Summary: Social activist Anjali Damania has demanded that the special court record the statement of the present Leader of Opposition and then Chief Minister Devendra Fadnavis as a witness in the Bhosari plot misappropriation case involving former minister and senior NCP leader Eknath Khadse. He also said that the Anti-Corruption Bureau (ACB) should use the report of the Jotting Committee as a reference for the Bhosari plot corruption case.

News English Title: Record Devendra Fadnavis statement as witness in Eknath Khadse Bhosari land case demand by Anjali Damania news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.