फिल्मी देशभक्त! अनेकांकडून छपाक'चं बुकिंग कॅन्सल...पण तिकीट सर्वांचं सारखंच

मुंबई: जवाहरलाल नेहरू विद्यापीठात झालेल्या हिंसाचाराविरोधात सुरू असलेल्या विद्यार्थ्यांच्या आंदोलनाला पाठिंबा दिल्यानं भारतीय जनता पक्षाच्या नेत्यांकडून अभिनेत्री दीपिका पादुकोणवर जोरदार टीका सुरू आहे. मंगळवारी संध्याकाळी दीपिकानं जेएनयूच्या आंदोलनकर्त्या विद्यार्थ्यांची भेट घेतली आणि त्यांना जाहीर पाठिंबा दर्शवला. यानंतर दीपिका तुकडे-तुकडे गँगची सदस्य असल्याची टीका भारतीय जनता पक्षाच्या देशभरातील नेत्यांकडून करण्यात आली. त्यासाठी दीपिकाच्या आगामी छपाक चित्रपटावर बहिष्कार घालण्याचं आवाहन समाज माध्यमांवरून करण्यात आलं. त्यासाठी #boycottchhapaak वापरण्यात आला.

त्यामुळेच दीपिकाच्या छपाक चित्रपटावर बहिष्कार टाकण्याचं आवाहन ट्विटरवरुन करण्यात येत आहे. अनेकांनी तर छपाकची तिकीटं आपण रद्द केल्याचं म्हणत तसे स्क्रिनशॉट्सदेखील ट्विटरवर शेअर केले आहेत. अधिकाधिक लोकांनी छपाकवर बहिष्कार घालावा या उद्देशानं हे स्क्रिनशॉट्स शेअर केले जात आहेत. पण ही सगळी तिकिटं अगदी सारखीच असल्याचं लक्षात येत आहे. मात्र समाज माध्यमांवरील एकूण कॅम्पेनचं निरीक्षण केलं असता यांना देश भक्त म्हणावे की फिल्मी देशभक्त असा प्रश्न उपस्थित करण्यात येतो आहे. जणू समाज माध्यमांवरील सर्व देशभक्त एकाच थिएटरमध्ये आणि केवळ ३ खुर्च्यांवर बसून छपाक चित्रपट पाहणार होते की काय असा प्रश्न उपस्थित होऊ लागला आहे आणि त्यामुळे ही देशभक्तीच्या नावाने केली गेलेली निव्वळ स्टंटबाजी असल्याचं म्हटलं जातं आहे.

१० जानेवारीला म्हणजे उद्या छपाक चित्रपट प्रदर्शित होत आहे. या चित्रपटावर अधिकाधिक जणांनी बहिष्कार टाकावा यासाठी ट्विटरवरुन आवाहन करणाऱ्या अनेकांनी आपण चित्रपटाची तिकीटं रद्द केल्याचं म्हटलं आहे. छपाक चित्रपटाची तिकीटं रद्द करणाऱ्यांची संख्या खूप मोठी आहे. पण गंमत म्हणजे या सगळ्यांनी सारखीच तिकीटं रद्द केली आहेत. वडोदऱ्यातील अकोटामध्ये असणाऱ्या सिनेमार्क चित्रपटगृहात १० जानेवारीला संध्याकाळी ६ वाजून ५० मिनिटांनी दाखवल्या जाणाऱ्या छपाकची तिकीटं रद्द करण्यात आल्याचं अनेकांच्या ट्विटमधून दिसतं. या सगळ्यांनी ट्विटरवर शेअर केलेल्या स्क्रिनशॉट्सवर नीट नजर टाकल्यास त्यावर गोल्ड क्लासमधील A8, A9 आणि A10 या सीट्सचा उल्लेख दिसेल. तिकीटं रद्द केल्यामुळे या सगळ्या मंडळींना ४२० रुपये परत मिळाले आहेत. त्यामुळे छपाकवर बहिष्कार टाकणारी सगळी मंडळी एकाच चित्रपटगृहात जाऊन फक्त ३ खुर्च्यांवर जाऊन बसणार होती की काय, असा गमतीशीर प्रश्न विचारला जात आहे.

This man cancelled the booking of #Chappak. Now he will go to watch #TanhajiTheUnsungWarriror.

RT if you are going to watch #Tanhaji this Friday. #BoycottChhaapaak #Tanhajichallenge pic.twitter.com/xw97VCalQY

— Vivek Bansal (@ivivekbansal) January 8, 2020

Cancelled Booking…@deepikapadukone#BoycottChhapaak pic.twitter.com/OlwQ23fZmS

— Shashi Tenginakai (@s_tenginkai) January 7, 2020

I Already Canceled Booking of #Chhapaak And Going For #TanhajiTheUnsungWarrior ?#BoycottChapaak #TukdeTukdeGang#boycottdeepikapadukone pic.twitter.com/zEK0mdgif1

— शेखर चहल ( हिन्दू )? (@_ShekharChahal) January 7, 2020

Cancelled booking. .#boycottChhapaak @deepikapadukone #BoycottChhapaak pic.twitter.com/gl3snHWNrn

— Me (@Manjuna76120410) January 8, 2020

Web Title:  Bollywood Actress Deepika Padukones JNU Visit many people cancelled ticket of chhapaak movie but ticket is same..

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.