फुकट लस घोषणा | अनुभवाप्रमाणे मोदी सरकारची पलटी | केंद्रीय आरोग्यमंत्र्यांचं घुमजाव

नवी दिल्ली, २ जानेवारी: देशातील सर्व लोकांना कोरोनाची लस मोफत मिळणार असल्याची महत्वाची घोषणा केंद्रीय आरोग्यमंत्री डॉ. हर्षवर्धन यांनी केली आहे. संपूर्ण देशात लसीकरणासाठी ड्राय रन सुरू असून देशात लसीकरणाची जय्यत तयारी सुरू करण्यात आली आहे. याचा आढावा केंद्रीय आरोगमंत्री डॉ. हर्षवर्धन यांनी घेतला. त्यांनंतर प्रसारमाध्यमांच्या प्रतिनिधींशी बोलताना त्यांनी केवळ दिल्लीतच नाही, तर संपूर्ण देशात करोनाची लस मोफत मिळेल अशी माहिती दिली होती.

दिल्लीतील GTB रुग्णालयाचा दौरा केल्यानंतर केंद्रीय आरोग्यमंत्री डॉ.हर्षवर्धन हे प्रसार माध्यमांशी संवाद साधताना म्हणाले की, “मी आवाहन करतो आहे की कोणत्याही अफवांकडे लक्ष देऊ नये. सुरक्षा आणि लसीची कार्यक्षमता सुनिश्चित करणे हे आमचे प्राधान्य आहे. पोलिओ लसीकरणाच्या वेळी देखील वेगवेगळ्या प्रकारच्या अफवा पसरवल्या गेल्या होत्या, परंतु लोकांनी ही लस घेतली आणि भारत आता पोलिओमुक्त झाला आहे असं त्यांनी म्हटलं होतं.

मात्र वृत्त प्रसिद्ध होताच लसीकरणाच्या पहिल्या टप्प्यात लस मोफत दिली जाणार आहे. देशभरात लस पुरवली जाणार आहे. १ कोटी आरोग्य सेवा कर्मचारी व २ कोटी कोविड काळात पहिल्या फळीत काम करणाऱ्यांना लस देण्यात प्राधान्य दिलं जाणार आहे. प्राधान्यक्रमातील २७ कोटी लाभार्थ्यांना लस कशी दिली जाईल, याचा तपशील जुलैपर्यंत निश्चित केला जाणार आहे,” असं सांगत आरोग्यमंत्र्यांनी मोफत लसीच्या घोषणेवर सारवासारव केली.

In 1st phase of #COVID19Vaccination free #vaccine shall be provided across the nation to most prioritised beneficiaries that incl 1 crore healthcare & 2 crore frontline workers
Details of how further 27 cr priority beneficiaries are to be vaccinated until July are being finalised pic.twitter.com/K7NrzGrgk3

— Dr Harsh Vardhan (@drharshvardhan) January 2, 2021

News English Summary: The vaccine will be given free of cost in the first phase of vaccination. The vaccine will be supplied across the country. Priority will be given to vaccinating 1 crore health care workers and 2 crore first tier workers. The details of how the 27 crore priority beneficiaries will be vaccinated will be decided by July, ”said the Health Minister, addressing the announcement of free vaccines.

News English Title: Covid 19 vaccine will be provided free of cost across the country News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.