Loksabha Election 2024 | लोकसभेत 500 जागा मिळवण्याच्या तयारीत असलेल्या नितीशकुमारांचा 'वन अगेन्स्ट वन' फॉर्म्युला काय आहे?

Loksabha Election 2024 | बिहारचे मुख्यमंत्री नितीशकुमार यांनी नुकतीच काँग्रेस नेतृत्वाची भेट घेतली. त्यानंतर त्यांनी पश्चिम बंगालच्या मुख्यमंत्री ममता बनर्जी यांची कोलकाता येथे भेट घेतली होती आणि त्यानंतर लखनऊ येथे अखिलेश यादव यांच्यासोबत सुद्धा बैठक घेतली होती. यावेळी त्यांच्यासोबत तेजस्वी यादव सुद्धा उपस्थित होते.

अशा प्रकारे बिहारचे मुख्यमंत्री नितीश कुमार यांनी अनेक पक्षांशी संवाद साधत २०२४ साठी ‘वन अगेन्स्ट वन’ असा फॉर्म्युला दिल्याचं खात्रीलायक वृत्त आहे. या फॉर्म्युल्यानुसार प्रत्येक जागेवर भाजपच्या विरोधात विरोधकांचा एकच उमेदवार उभा करावा, असे सुचविण्यात आले आहे. ही रणनीती कितपत यशस्वी होईल, हे येणारा काळच सांगेल. पण महाआघाडीने या फॉर्म्युल्यासह देशातील ५०० लोकसभेच्या जागांवर निवडणूक लढवावी असे सुचवल्याचे वृत्त आहे.

स्वतः मुख्यामंत्री नितीशकुमार यांनी राहुल गांधी आणि मल्लिकार्जुन खर्गे यांच्यासोबत झालेल्या बैठकीत ही सूचना केली होती. यानंतर त्यांनी ममता बॅनर्जी आणि अखिलेश यादव यांनाही त्याच रणनीतीवर काम करण्याचे आवाहन केले. एवढेच नव्हे तर विरोधक एकवटले आहेत, असा संदेश जावा, यासाठी निवडणुकीपूर्वी मोठी आघाडी तयार करण्याचाही प्रयत्न आहे.

सूत्रांनी दिलेल्या माहितीनुसार, नवीन यूपीए स्थापन करण्याचा प्रयत्न आहे, ज्यात एक अध्यक्ष असेल आणि एक संयोजक असेल. नितीशकुमार यांना यूपीएचे संयोजकपद मिळू शकते. इतकंच नाही तर संयोजकाला पंतप्रधानपदाचा उमेदवार म्हणून सादर करण्याचा प्रयत्न केला जाऊ शकतो असं देखील खात्रीलायक वृत्त आहे. जूनपर्यंत या नव्या आघाडीची घोषणा होऊ शकते.

राष्ट्रीय स्तरावरील महाआघाडीतील एका ज्येष्ठ नेत्याने सांगितले की, ” या महाआघाडीत संयोजक पद अत्यंत महत्त्वाचे असेल. आघाडीत पंतप्रधानपदाचे उमेदवार म्हणून त्यांना पुढे केले जाईल. महाआघाडीचा प्रतिकात्मक प्रमुख अध्यक्ष देखील असेल. ते म्हणाले की, शेवटची निवडणूक १९७७ मध्ये ‘वन फॉर वन’ फॉर्म्युल्यावर लढली गेली होती. त्यावेळी काँग्रेसच्या विरोधात स्थापन झालेल्या महाआघाडीने प्रत्येक जागेवर एक उमेदवार उभा करून मतविभाजन रोखले होते. त्यानंतर अटलबिहारी वाजपेयी यांच्याकाळात म्हणजे २००४ मध्ये हीच रणनीती आखण्यात आली होती. अनेक प्रादेशिक पक्षांसोबत झालेल्या बैठकीनंतर जूनपर्यंत हा फॉर्म्युला जाहीर होऊ शकतो.

नितीश कुमार यांच्या फॉर्म्युल्यावर अनेक राज्यांमध्ये एकमत होणे अवघड
नितीशकुमार यांनी १२ एप्रिल रोजी दिल्लीत पोहोचून राहुल गांधी आणि खर्गे यांची भेट घेतली. या बैठकीनंतर राहुल गांधी म्हणाले होते की, 2024 च्या लोकसभा निवडणुकीपूर्वी ही महत्त्वाची बैठक आहे. त्यामुळे विरोधकांची एकजूट मजबूत होईल. राहुल गांधी यांनी संसद सोडल्यानंतर अवघ्या तीन आठवड्यांनंतर ही बैठक झाली. मात्र, तेलंगणा, केरळ, बंगाल आणि तामिळनाडू सारख्या काही राज्यांमध्ये नितीशकुमार यांच्या फॉर्म्युल्यावर प्रश्नचिन्ह निर्माण होऊ शकते. या राज्यांमध्ये प्रादेशिक पक्ष काँग्रेसला त्यांच्या वाट्याच्या जागांवर कितपत संधी देतात हे पाहावे लागेल. यावर एकमत होणे सोपे जाणार नाही.

बिहार, बंगाल सारख्या राज्यांमध्ये काँग्रेसला राजकीय उदारपणा दाखवावा लागेल
सध्या या संकटाचा सामना करण्यासाठी प्रादेशिक पक्षांना मोठ्या संख्याबळाच्या राज्यांमध्ये पुरेशा जागा द्याव्यात, असा फॉर्म्युला देण्यात आला आहे. याशिवाय काँग्रेस आणि डाव्या पक्षांसारख्या प्रादेशिक पक्षांनाही स्पर्धेत उतरायचे असेल तर त्यांना सूट देण्यात येणार आहे. अशा प्रकारे समतोल साधण्याचा प्रयत्न होईल. उदाहरणार्थ, बिहारमध्ये राजद आणि जेडीयूला जास्त जागा मिळतील, तर डाव्या आणि काँग्रेसला कमी वाटा दिला जाईल. त्याचप्रमाणे बंगालमध्येही टीएमसीकडे सर्वाधिक जागा असतील. अशा परिस्थितीत डावे आणि काँग्रेसला समाधान दाखवावे लागेल किंवा तेही मैदानात उतरतील.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Loksabha Election 2024 CM Nitish Kumar Formula for Mahagathbandhan check details on 28 April 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.