दिल्ली निकाल भाजप विरोधात जाताच वादग्रस्त ट्विव सुरु; मोदींना थेट छत्रपती म्हटलं

नवी दिल्ली: आपल्या वादग्रस्त वक्तव्यांमुळे कायम चर्चेत असणाऱ्या भारतीय जनता पक्षाच्या एकेकाळच्या फायर ब्रँड नेत्या उमा भारती यांच्या एका ट्विटमुळे पक्षाची अडचण वाढण्याची शक्यता आहे. पंतप्रधान नरेंद्र मोदी यांचा उल्लेख छत्रपती असा करत दिल्लीच्या निवडणुकीत पराभव होऊनही उमा भारतींनी मोदींचाच जयजयकार केला आहे. या त्यांच्या ट्विटमुळे समाज माध्यमांवर मीडियावर चर्चा सुरू झाली आहे. ‘दिल्ली विधानसभा चुनाव का संदेश’ असं म्हणत उमा भारती यांनी २-३ ट्वीट करत मोदींचंच अभिनंदन केलं आहे.

3. पूरे देश की जनता मोदी जी को तथा मोदी जी पूरे देश की जनता को आत्मसात कर चुके हैं। छत्रपति मोदी जिन्दाबाद।

— Uma Bharti (@umasribharti) February 11, 2020

दिल्ली विधानसभा निवडणुकीत भाजपाचा पराभव झाला आहे. मात्र दुपारी कल जवळपास निश्चित होताच वादग्रस्त ट्विट करून लोकांचं लक्ष इतरत्र वर्ग करण्याचा पुन्हा हेतुपुरस्कार केला गेल्याची चर्चा रंगली आहे. उमा भारती यांनी तीन ट्विट करुन पंतप्रधान नरेंद्र मोदींचा जयजयकार केला आहे. ‘संपूर्ण देशाच्या जनतेने मोदींना आत्मसात केलं आहे आणि मोदींनी जनतेला आत्मसात केलं आहे. छत्रपती मोदी झिंदाबाद’, असं उमा भारती यांनी लिहिलं आहे.

दरम्यान, उमा भारती यांनी केलेल्या ट्विटमुळे वाद रंगण्याची चिन्हं आहेत. जय भगवान गोयल यांनी लिहिलेल्या पुस्तकामुळे आणि ते भारतीय जनता पक्ष कार्यालयात प्रकाशित केलं गेल्यामुळे भारतीय जनता पक्षावर टीकेची झोड उठली होती. आता भारतीय जनता पक्षाच्या एके काळच्या फायर ब्रांड नेत्या अशी ओळख असलेल्या उमा भारती यांनी ट्विटमध्ये पंतप्रधान नरेंद्र मोदींची तुलना छत्रपती शिवाजी महाराजांशी केली आहे. उमा भारती यांनी केलेल्या या वक्तव्यामुळे नव्या वादाला तोंड फुटण्याची शक्यता आहे.

तत्पूर्वी, दिल्लीतील भारतीय जनता पक्षाचे नेते जयभगवान गोयल यांनी छत्रपती शिवाजी महाराज आणि पंतप्रधान नरेंद्र मोदी यांची तुलना करणारे ‘आज के शिवाजी-नरेंद्र मोदी’ हे पुस्तक लिहिले होते. भारतीय जनता पक्षाच्या दिल्लीतील कार्यालयात धार्मिक, सांस्कृतिक संमेलनाचे आयोजन करण्यात आले होते. या संमेलनात भारतीय जनता पक्षाचे दिल्ली प्रदेशाध्यक्ष मनोज तिवारी, प्रभारी श्याम जाजू, माजी खासदार महेश गिरी या भारतीय जनता पक्षाच्या प्रमुख नेत्यांच्या उपस्थितीत हे पुस्तक प्रकाशीत करण्यात आलं होतं ज्यामुळे मोठं वादंग निर्माण झालं होतं.

Web Title: BJP Senior Leader Uma Bharti made controversial twit over Modi calling him Chhatrapati Modi.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.