त्या चिमुकलीवर मंदिरातच बलात्कार झाला होता, फॉरेन्सिक अहवाल

नवी दिल्ली : कठुआ बलात्कार प्रकरणी दिल्लीच्या फॉरेन्सिक लॅबचा अहवाल आला आहे. मंदिरात मिळालेले रक्ताचे डाग पीडित मुलीचेच असून त्या चिमुकलीवर मंदिरातच बलात्कार झाल्याचं या फॉरेन्सिक लॅब अहवालातून स्पष्ट झालं आहे.

फॉरेन्सिक लॅबने कठुआ घटनेचा अहवाल एप्रिलच्या पहिल्या आठवड्यातच सादर केला आहे. त्याच मंदिरात पीडित मुलीची केस सुद्धा आढळले असून त्याची खोलवर तपासणी केली असता तिचा डीएनए प्रोफाइल प्रमुख आरोपींमधील शुभम सांगरा याच्याशी मिळत असल्याचं स्पष्ट झालं आहे. तसेच त्या चिमुकलीच्या कपड्यावर मिळालेले रक्ताचे डाग सुद्धा तिच्या डीएनए प्रोफाइलशी मिळत असून त्या चिमुकलीच्या गुप्तांगाजवळ रक्त आढळून आल्याचंही या अहवालात नमूद करण्यात आलं आहे.

जम्मू-काश्मीर पोलिसांच्या एसआयटी पथकाला पुरेसे पुरावे नसल्याने तपासात अडचणी येत होत्या, कारण आरोपीने पोलिसांशी हात मिळवणी करून पीडित मुलीचे कपडे धुऊन पुरावे नष्ट करण्याचा प्रयत्नं केला होता. पुराव्या अभावी एसआयटीला आरोपींच्याविरोधात गुन्हा दाखल करता आला नव्हता. अखेर काश्मीरच्या पोलीस महासंचालकांनी गृहमंत्रालयाला विनंती करून दिल्लीच्या फॉरेन्सिक लॅब द्वारे पुराव्यांची चौकशी करण्याची विनंती केली होती आणि त्यानंतर हा अहवाल समोर आला आहे त्यामुळे गुन्हेगारांच पितळ उघडं पडलं असून त्या चिमुकलीला भविष्यात न्याय मिळेल असे पुरावे पोलीस यंत्रणा उभे करत आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.