भारतीय सैन्याकडून चीनचे ५ सैनिक मारले गेले, ११ सैनिक जखमी

लडाख, १६ जून: लडाखमध्ये भारत आणि चीन यांच्यात काही महिन्यांपासून तणवाचं वातावरण असताना हिंसक झडप झाल्याचं समोर आलं आहे. ज्यामध्ये एक भारतीय लष्करी अधिकारी आणि २ जवान शहीद झाले आहेत. गलवान खोऱ्यात ही झडप झाली. यामध्ये चीनचे ५ सैनिक मारले गेले असून ११ सैनिक जखमी झाले आहेत.

गलवान खोऱ्यात १५ जूनपासून चर्चा सुरु होती. ब्रिगेडियर कमांडर, कमांडर ऑफिसर लेवलच्या अधिकाऱ्यांमध्ये ही चर्चा सुरु होती. गलवान खोऱ्यातील सैनिकांना माघारी पाठवण्यासाठी आणि सामान्य परिस्थिती करण्यासाठी चर्चा झाली. पण आता या झडपनंतर पुन्हा एकदा तणावाचं वातावरण पाहायला मिळतं आहे.

दोन्ही देशांदरम्यान जवळपास पाच दशकांनंतर एवढी गंभीर घटना घडली असून लष्करप्रमुख एमएम नरवणे यांनी पठाणकोट लष्करी तळाला भेट देण्याचा दौरा रद्द केला आहे. संरक्षण मंत्री राजनाथ सिंह यांनी सकाळीच परराष्ट्र मंत्री जयशंकर आणि लष्करप्रमुख नरवणे यांची बैठक बोलावली होती.

सीमेवरील तणाव निवळण्यासाठी दोन्ही देशांचे लष्करी अधिकार प्रयत्न करत आहेत. यावर चीनने भारतावर गंभीर आरोप केले असून भारतीय सैनिकांनीच दोनदा चीनची हद्द ओलांडल्याचा दावा केला आहे. तसेच भारतीय सैनिकांनीच आधी चीनच्या सैनिकांना आक्रमणासाठी चिथावणी दिल्याचे म्हटले आहे.

News English Summary: Violent clashes between India and China have been raging in Ladakh for months. In which one Indian Army officer and 2 jawans have been martyred. The clash took place in Galwan valley. Five Chinese soldiers were killed and 11 others were injured.

News English Title: Five Chinese soldiers were killed and 11 others were injured at Ladakh News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.