लोकसभेत भाजपाला मतं दिली; आता भाजप आमदार महिलांना लाथा देत आहेत

नरोदा : गुजरातमध्ये भारतीय जनता पक्षाच्या आमदाराच्या दादागिरीचे अत्यंत निंदनीय आणि भयानक रुप मतदारांसमोर आले आहे. नरोदामधील भारतीय जनता पक्षाचे आमदार बलराम थवानी यांनी एका महिलेला लाथाबुक्क्यांनी मारहाण केल्याची धक्कादायक घटना घडली आहे. या घटनेचा व्हिडिओ समाज माध्यमांवर व्हायरल झाला आहे. नीतू तेजवानी असे जखमी महिलेचे नाव असून त्या स्थानिक एनसीपीच्या वॉर्ड प्रमुख आहेत. आमदार बलराम थवानी आणि त्यांचे समर्थक महिलेला मारहाण करताना व्हिडिओमध्ये दिसत आहेत. अहमदाबाद मिररने हे अधिकृत वृत्त प्रसिद्ध केले आहे.

हा व्हिडिओ व्हायरल झाल्यानंतर बलराम थवानी यांनी घटनेबद्दल खेद व्यक्त करताना महिलेची माफी मागण्याची तयारी देखील दर्शवली आहे. परंतु आपल्यावर पहिल्यांदा हात उचलण्यात आला. त्यामुळे स्वत:च्या बचावासाठी मी महिलेवर हात उचलला असे बलराम थवानी यांनी आपली बाजू मांडताना सांगितले. स्थानिकांनी या घटनेचा लगेच व्हिडिओ बनवला आणि समाज माध्यमांवर या आमदाराचे कृत्य प्रसारित केले. नीतू तेजवानी यांना मारहाण सुरु असताना बलराम थवानी त्यांच्या कार्यालयाबाहेर आले व त्यांनी महिलेला लाथा मारल्या.

Nitu Tejwani, NCP leader from Naroda: I had gone to meet BJP MLA Balram Thawani over a local issue but even before hearing me he slapped me, when I fell down he started to kick me. His people also beat up my husband. I ask Modi ji, how are women safe under the BJP rule? #Gujarat pic.twitter.com/PWUjekyyyC

— ANI (@ANI) June 3, 2019

स्थानिक विभागात पाणी टंचाईची तक्रार करण्यासाठी नीतू तेजवानी त्या भागातील नागरिकांसोबत बलराम थवानी यांच्या कार्यालयात गेल्या होत्या. पाणी टंचाईची तक्रार करण्यासाठी महिला माझ्या कार्यालयात आल्या होत्या. सोमवारी मी महापालिका अधिकाऱ्यांशी बोलून ही समस्या सोडवतो असे त्यांना सांगितले. त्यावेळी त्यांनी बलराम हाय हायच्या घोषणा देण्यास सुरुवात केली. कोणीतरी मला मागून मारले. त्यानंतर मी कार्यालयाबाहेर आलो. त्यावेळी मला धक्काबुक्की करण्यात आली. त्या दरम्यान अपघाताने मी त्या महिलेला लाथ मारली असेल. असे घडायला नको होते असे स्पष्टीकरण बलराम थवानी यांनी दिले. त्यामुळे भाजपचे निवडून येणारे स्थानिक आमदार आणि खासदार सामान्य लोकांसोबत आणि विशेष महिलांसोबत कसे वागतात याचा जिवंत पुरावा समोर आला आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.