पंतप्रधानपदात मला रस नाही, मोदीच पुन्हा यापदी विराजमान होतील : गडकरी

भोपाळ : पंतप्रधानपदात मला अजिबात रस नाही, त्यामुळे विद्यमान पंतप्रधान नरेंद्र मोदीच या पदाचे उमेदवार आहेत आणि यंदाही तेच पंतप्रधान होतील, अशा शब्दांत केंद्रीय मंत्री आणि भारतीय जनता पक्षाचे ज्येष्ठ नेते नितीन गडकरी यांनी आपली भुमिका स्पष्ट केली. काल भोपाळ येथे एका प्रचार कार्यक्रमादरम्यान माध्यमांशी ते बोलत होते.

Live from press conference Bhopal https://t.co/E1VXzmDiIL

— Chowkidar Nitin Gadkari (@nitin_gadkari) May 5, 2019

यावेळी प्रसार माध्यमांच्या प्रतिनिधींनी त्यांना तुम्ही पंतप्रधानपदाचे उमेदवार आहात का? प्रश्न विचारला त्यावर बोलताना गडकरी म्हणाले, पंतप्रधानपद हा माझा अजेंडा नसल्याचे मी यापूर्वीही अनेकदा स्पष्ट केले आहे. नरेंद्र मोदीच या पदाचे उमेदवार असून तेच पुन्हा पंतप्रधान होतील. २०१४ मध्ये भारतीय जनता पक्षाने जितक्या जागा जिंकल्या होत्या त्यापेक्षा अधिक जागा भारतीय जनता पक्ष यावेळी जिंकेल, असा विस्वासही त्यांनी यावेळी व्यक्त केला.

मागील ५ वर्षात आमच्या पक्षाने महामार्ग, जलमार्ग, कृषी यांसह विविध क्षेत्रात खूप चांगली कामे केली आहेत. त्यामुळे विकास हा आमच्या पक्षाचा निवडणुकीचा मुख्य अजेंडा आहे. हेच आमचं निवडणुकीतील भांडवल असून देशाला सुपर इकॉनॉमिक पॉवर बनवण्याच्या दिशेने आमचे काम सुरु असल्याचेही ते यावेळी म्हणाले. दहशतवाद संपवण्याच्या दृष्टीने भाजपा सरकारने ठोस पावले उचलली आहेत. काँग्रेसने गेल्या ५० वर्षात जितकी कामं केली नाहीत तितकी आम्ही गेल्या ५ वर्षात केली, असा दावा करताना मोदींच्या नेतृत्वेने देशाला दिशा देण्याचं महत्वाचे काम केल्याचे गडकरी यावेळी म्हणाले.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.