SC म्हणतं अर्णबच्या टोमण्यांकडे दुर्लक्ष करा | आता कामराच्या ट्विट टोमण्यांवर खटल्याची भाषा?

मुंबई, १२ नोव्हेंबर: रिपब्लिक टीव्हीचे संपादक आणि पत्रकार अर्णब गोस्वामी आणि त्यांच्या सह अन्य आरोपींची अंतरिम जामिनावर सुटका करण्याचे आदेश सुप्रीम कोर्टाने काल (११ नोव्हेंबर) दिले होते. या आदेशानंतर अर्णव गोस्वामी यांना तुरुंगातून सोडण्यात आले. अर्णब गोस्वामीच्या सुटके नंतर समाज माध्यमांवर वेगवेगळ्या प्रतिक्रिया उमटत आहेत.

मात्र सुप्रीम कोर्टाने सुनावणीदरम्यान केलेल्या टिपण्याची सर्वाधिक चर्चा समाज माध्यमांवर रंगली होती. त्यात स्टॅन्डअप कॉमेडियन कुणाल कामराने एक धक्कादायक ट्विट करत सर्वोच्च न्यायालयाचीच खिल्ली उडवली होती. या संदर्भात कुणालने ट्विट मध्ये म्हटलं होते की, ‘या देशाचा सर्वोच्च न्यायालय हा या देशातील सर्वात सर्वोच्च विनोद आहे.

त्यानंतर वकील रिझवान सिद्दीकी यांनी देशाच्या अॅटर्नी जनरल यांनी पत्र लिहीत अवमानना खटला दाखल करण्याची मागणी केली आहे. अजून ट्विटमध्ये कुणाल कामराने म्हटलं होतं की, “ज्या वेगाने सर्वोच्च न्यायालयाने देशातील महत्त्वाचे मुद्दे मार्गी लावत आहे ते पाहता लवकरच महात्मा गांधीजींच्या फोटोची जागा हरिश साळवे घेतील.”

आणखी एका ट्वीटमध्ये कुणाल कामराने लिहिलं आहे की, “डी वाय चंद्रचूड एक फ्लाईट अटेन्डंट आहेत जे फर्स्ट क्लासमधील प्रवाशांना शॅम्पेन ऑफर करतात, कारण ते फास्ट ट्रॅक्ड आहेत. तर सामान्यांना हे माहितच नाही की त्यांना प्रवेश मिळेल, किंवा बसायला मिळेल. सर्व्ह करण्याचा बाब दूरच राहिली.” कुणाल कामराचे हे ट्वीट न्यायालयाचा अवमान असल्याचं म्हटलं जात आहेत. त्याविरोधात वकील रिझवान सिद्दीकी यांनी देशाचे अॅटर्नी जनरल यांना पत्र लिहून कुणाल कामविरोधात कोर्टाचा अवमान केल्याप्रकरणी गुन्हेगारी खटला चालवण्याची मागणी केली आहे.

News English Summary: Lawyer Rizwan Siddiqui has since written a letter to the country’s Attorney General seeking a contempt case. In another tweet, Kunal Kamara had said that Harish Salve would soon replace Mahatma Gandhi’s photo with the speed with which the Supreme Court is sorting out important issues in the country.

News English Title: Lawyer seeks contempt case against Kunal Kamra over his tweets on Supreme court News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.