शुल्लक भांडणावरून पत्नीचं मुंडकं कापून थेट पोलीस ठाण्यात पोहोचला

बाराबंकी: उत्तर प्रदेशच्या बाराबंकी जिल्ह्यातून धक्कादायक घटना समोर आली आहे. येथे शुल्लक घरगुती वादात पतीने पत्नीची हत्या केली आणि तिचा थेट शिरच्छेद केला आणि पोलिस स्टेशन गाठले. त्या युवकाला पाहून पोलिस कर्मचारीही बुचकळ्यात पडले होते. अखिलेश रावत असे आरोपीचे नाव आहे. तो बाराबंकीच्या जहांगीराबाद पोलिस स्टेशन परिसरातील बहादूरपूर गावचा रहिवासी असल्याची माहिती समोर आली आहे. पोलिसांनी दिलेल्या माहितीनुसार आरोपीने पत्नीचं मुंडकं जहानगीराबाद पोलिस ठाण्यात नेले होते.

तो पोलीस स्टेशनमध्ये आला तेव्हा पोलिसांनी ताब्यात घेण्यापूर्वी त्याच्यापासून त्याच्या पत्नीचं मुंडकं काढून घेण्याचा प्रयत्न करताच त्याने राष्ट्रगीत आणि भारत माता की जय अशा घोषणा देण्यास सुरुवात केली असं पोलीस म्हणाले. त्यानंतर बरीच मेहनत घेतल्यानंतर पोलिसांनी त्याच्या पत्नीचे डोके त्याच्या हातातून मुक्त केले. मात्र काही वेळातच आरोपीच्या विकृतीची दहशत आसपासच्या परिसरात पसरली होती.

पोलिस अधीक्षक डॉ. अरविंद चतुर्वेदी यांनी सांगितले की, घरगुती वादात या तरूणाने आपल्या पत्नीचे शिरच्छेद केला आणि ते मुंडक घेऊन तो पोलिस ठाण्यात पोहोचला होता. सदर प्रकरणी गुन्हा दाखल करण्यात आला आहे आणि पुढील तपास सुरू असल्याचं पोलिसांनी सांगितलं.

Web Title:  Man cut off head of wife in Uttar Pradesh Barabanki gaon.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.