राजस्थानचे मुख्यमंत्री,उपमुख्यमंत्री, मंत्री आणि काँग्रेसच्या आमदारांना एसओजी'कडून नोटीस

नवी दिल्ली, १२ जुलै : राजस्थानचे मुख्यमंत्री अशोक गहलोत जयपूरमध्ये आपलं सरकार वाचवण्याच्या प्रयत्नात आहेत. दुसरीकडे उपमुख्यमंत्री सचिन पायलट दिल्लीत पोहोचले आहेत. भाजप त्यांचं सरकार पाडण्याच्या प्रयत्नात असल्याचं मुख्यमंत्री गहलोत यांनी म्हटलं आहे. त्यातच उपमुख्यमंत्री सचिन पायलट हे राज्यात नसल्याने राजकीय चर्चांना उधाण आलं आहे.

शनिवारी सीएम अशोक गहलोत यांनी कॅबिनेटची बैठक घेतली. पण या बैठकीला सचिन पायलट उपस्थित नव्हते. सध्या ते दिल्लीत आहेत. राजस्थानचे जवळपास 10 आमदार दिल्लीत आहेत. हे आमदार काँग्रेसच्या प्रमुखांना भेटून आपली मागणी त्यांच्यासमोर मांडणार आहेत. हे आमदार गुरुग्रामजवळ थांबले आहेत. जयपूरमध्ये काँग्रेसचे आमदार जितेंद्र सिंह यांनी ही माहिती दिली. पण हे आमदार उपमुख्यमंत्री सचिन पायलट यांच्यासोबत आहेत असं त्यांनी म्हटलं नाही.

दुसरीकडे राजस्थानमध्ये निर्माण झालेल्या राजकीय पेचाच्या पार्श्वभूमीवर काँग्रेस नेते राहुल गांधी यांनी सचिन पायलट यांना चर्चेसाठी बोलावले आहे. संध्याकाळी ५.३०च्या सुमारास या दोन्ही नेत्यांमध्ये बैठक होणार आहे. या बैठकीत काय होणार, यावर राजस्थानमधील काँग्रेस सरकारचे भविष्य अवलंबून आहे.

प्रसार माध्यमांना मिळालेल्या माहितीनुसार, सचिन पायलट या बैठकीला जातील की नाही, हाच मोठा प्रश्न आहे. पायलट या बैठकीला गेले तर या सगळ्या नाराजी नाट्यावर पडदा पडेल. मात्र, सचिन पायलट या बैठकीला गेले नाहीतर ते आपल्या समर्थक आमदारांसह भाजपमध्ये प्रवेश करतील, असे सांगितले जात आहे.

मात्र धक्कादायक गोष्ट म्हणजे राजस्थानचे मुख्यमंत्री,उपमुख्यमंत्री, मंत्री आणि काँग्रेसच्या आमदारांना एसोजी’कडून नोटीस आली आहे. सरकार पाडण्यासाठी घोडेबाजार झाला का याबाबत सत्ताधारीच चौकशी अडकल्याने प्रसार माध्यमांमध्ये उलट सुलट चर्चा सुरु झाली आहे.

CM, Dy CM, Chief Whip, some other ministers & MLAs have received notices from SOG to record their statements in connection with Congress Legislative Party’s complaint regarding horse-trading by BJP. It’s not appropriate to present it differently by some media outlets:Rajasthan CM pic.twitter.com/Mp6TgnSnla

— ANI (@ANI) July 12, 2020

Everyone should cooperate with Rajasthan SOG; No harm in joining probe: Cong general secretary Avinash Pande to PTI

— Press Trust of India (@PTI_News) July 12, 2020

News English Summary: CM, Dy CM, Chief Whip, some other ministers & MLAs have received notices from SOG to record their statements in connection with Congress Legislative Party’s complaint regarding horse-trading by BJP. It’s not appropriate to present it differently by some media outlets said Rajasthan CM Ashok Gahlot.

News English Title: Rajasthan Chief Minister ministers and MLA have received notices from SOG News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.