राजस्थान सरकार पाडण्याचं षडयंत्र, ऑडिओ क्लिपमुळे खळबळ

जयपूर, १७ जुलै: राजस्थानमध्ये सध्या सुरू असलेल्या राजकीय उलथापालथीदरम्यान काँग्रेस पक्षाने भाजपावर मोठा आरोप केला आहे. काँग्रेसचे प्रवक्ते रणदीप सुरजेवाला यांनी पत्रकार परिषदेत मोदी सरकारवर हल्लाबोल केला आहे. दोन व्हायरल ऑडिओ क्लिपचा हवाला देत केंद्रीय मंत्री गजेंद्रसिंग शेखावत राजस्थान सरकार पाडण्याचा कट रचत असल्याचं सुरजेवाला म्हणाले आहेत. अशा वेळी त्यांच्याविरोधात त्वरित एफआयआर दाखल झाले पाहिजे आणि अटक करण्यात यावी, अशी मागणीही सुरजेवालांनी केली आहे. याबाबत SOG’कडे तक्रार दाखल केली आहे. त्याचवेळी कॉंग्रेसने दोन आमदारांना पक्षातून निलंबित केले आहे.

“गुरुवारी एक धक्कादायक ऑडिओ क्लिप प्रसारमाध्यमांमधून समोर आली. यामध्ये केंद्रीय मंत्री गजेंद्र सिंह शेखावत, भाजपा नेते संजय जैन आणि काँग्रेस आमदार भवरलाल शर्मा राजस्थान सरकारमधील आमदारांसंबंधी बोलत आहेत. आमदार भवरलाल शर्मा आणि विश्वेंद्र सिंह यांचं प्राथमिक सदस्यत्व काँग्रेस पक्षाकडून रद्द करण्यात आलं आहे. पक्षाने त्यांना काऱणे दाखवा नोटीसही बजावली आहे. संजय जैन आणि भवरलाल शर्मा यांच्यावर गुन्हा दाखल करावा अशी आमची मागणी आहे. आमदारांना देण्यासाठी काळा पैसा कुठून आणला याचाही तपास झाला पाहिजे,” अशी मागणी रणदीप सूरजेवाला यांनी केली आहे.

Congress has suspended MLAs Bhanwar Lal Sharma and Vishvendra Singh from primary membership of the party. The party has also issued show cause notices to them: Congress leader Randeep Surjewala https://t.co/lG4exVa14t

— ANI (@ANI) July 17, 2020

मुख्यमंत्री अशोक गहलोत यांची पत्रकार परिषद रद्द करण्यात आली आहे. मात्र, रणदीप सुरजेवाला यांच्या वतीने पत्रकार परिषद घेण्यात आली आहे. काल रात्री सचिन पायलट यांनी कॉंग्रेस नेते पी. चिदंबरम यांच्याशी चर्चा केली. सचिन पायलट यांना कॉंग्रेस पक्षाने परत येण्यास सांगितले आहे, तसेच हे प्रकरण येथे थांबवलं जाईल, असे आश्वासनही दिले आहे. विशेष म्हणजे पायलट यांना पूर्वीची पदे परत मिळणार नाहीत. परंतु त्यांना केंद्रीय नेतृत्वात स्थान मिळेल.

काय आहे ऑडिओ क्लिपमध्ये ?
भवरलाल शर्मा यांनी ३० आमदारांची संख्या पूर्ण करण्याचं आश्वासन दिलं असल्याचं सांगितलं जात आहे. महत्त्वाचं म्हणजे एक नाही तर तीन ऑडिओ क्लिप व्हायरल झाल्या आहेत ज्यामध्ये पैशांची चर्चा असल्याचाही दावा आहे. भवरलाल जेव्हा पैशांसंबंधी विचारतात तेव्हा समोरील व्यक्ती जे आश्वासन दिलं आहे ते पूर्ण केलं जाईल आणि वरिष्ठतेसंबंधीही काळजी घेतली जाईल असं सांगत आहे. एका स्थानिक वृत्तवाहिनीने ही ऑडिओ क्लिप चालवली आहे. याआधी मुख्यमंत्री अशोक गेहलोत यांनीदेखील घोडेबाजार केला जात असून आपल्याकडे पुरावे असल्याचा दावा केला आहे.

News English Summary: Congress spokesperson Randeep Surjewala has attacked the Modi government at a press conference. Citing two viral audio clips, Union Minister Gajendrasingh Shekhawat has said that Surjewala is plotting to overthrow the Rajasthan government.

News English Title: Rajasthan Congress Randeep Surjewala On Audio Clip Mlas Vishvendra Singh And Bhanwaralal Sharma Suspended News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.