अटल टनेल | सोनिया गांधींनी २०१० मध्ये भूमिपूजन केलं | पण मोदींकडून खोटं चित्रं? - सविस्तर वृत्त

मनाली, ३ ऑक्टोबर : जगातल्या सर्वात जास्त लांबीच्या महामार्ग बोगद्याचे आज पंतप्रधान नरेंद मोदी यांच्या हस्ते उद्धाटन करण्यात आले. हिमाचल प्रदेशात हा जगातला सर्वात मोठा महामार्ग बोगदा आहे. ज्याचं नाव आहे अटल टनेल. माजी पंतप्रधान अटल बिहार वाजपेयी यांचे नाव या बोगद्याला दिले गेले आहे.

दरम्यान, रोहंताग पासजवळ एक ऐतिहासिक बोगदा बनवण्याची घोषणा स्वत: वाजपेयी यांनी ३ जून २००० साली केली होती. तो आता वाहतुकीसाठी तयार झाला. महत्त्वाचे म्हणजे भारत-चीनदरम्यान ताणलेले संबंध आणि युद्धजन्य स्थिती आहे. त्या पार्श्वभूमीवर भारतीय सैन्याला हा बोगदा वरदान ठरणार आहे.

पंतप्रधान नरेंद्र मोदी आज उपस्थितांना संबोधित करताना म्हणाले की, “अटलबिहारी वाजपेयी यांच्या हस्ते २००२ मध्ये भूमीपूजन करण्यात आलं होतं. मात्र त्यानंतर आलेल्या सरकारने या कामाकडे दुर्लक्ष केलं होतं. तज्ञ सांगतात ज्या वेगाने बोगद्याचं काम होत होतं, ते पाहता २०४० पर्यंतही काम पूर्ण झालं नसतं,” असा दावा नरेंद्र मोदींनी केला.

आता हा व्हिडिओ पहा….सोनिया गांधी यांनी तारीख २८ जून २०१० रोजी सदर प्रकल्पाचं भूमिपूजन केलं होतं आणि तो २०१५ पर्यंत पूर्णत्वाला येणार होता. मग उशीर कोणी केला?

वास्तविक १९७२ मध्ये माजी आमदार लता ठाकूर यांनी सहा महिने बर्फात अडकून पडण्याच्या समस्येबाबत प्रश्न उपस्थित केला होता. त्यावर तत्कालीन पंतप्रधान इंदिरा गांधी यांनी या ठिकाणी बोगदा निर्माण करण्याचे स्वप्न पाहिले होते. त्यानंतर सन २००० मध्ये अटलबिहारी वाजपेयी यांनी आपले मित्र टशी दावा ऊर्फ अर्जुन गोपाल यांच्या निमंत्रणावरुन केलांग येथे जाऊन रोहतांग बोगद्याच्या उभारणीची अधिकृत घोषणा केली होती. त्यानंतर २८ जून २०१० मध्ये सोनिया गांधी यांच्या हस्ते या बोगद्याच्या कामाचे भूमिपूजन झाले होते. त्यावेळी बोगद्यासाठी १,३५५ कोटी रुपयांच्या निधीची तरतूद करण्यात आली होती आणि सदर प्रकल्प २०१५ पर्यंत पूर्ण करण्याचं नियोजन होतं. जर नियोजन २०१५ होतं असं वरील व्हिडिओ पुरावा सांगतो, मग उदघाटन आज ३ ऑक्टोबर २०२० कसं होतंय असा प्रश्न उपस्थित होतो आहे. पण मोदींनी सगळं त्याउलट सांगून संभ्रम तर निर्माण केलाच, तसेच सदर प्रकल्प २०४० पर्यंत पूर्ण झालाच नसता असं सांगत मोदी सरकार आलं आणि तो पूर्ण झाला असा अप्रत्यक्ष संदेश देण्याचा प्रयत्न केला असंच म्हणावं लागेल.

२८ जुने २०१० मध्ये एनडीटीव्ही वृत्तवाहिनीने देखील याबाबत सविस्तर वृत्त प्रसिद्ध केलं होतं. त्यामध्ये देखील सदर प्रकल्पाबद्दल सविस्तर भाष्य करण्यात आलं आहे.

News English Summary: Prime Minister Narendra Modi has inaugurated Atal Tunnel in Manali. It is “world’s longest highway” tunnel and is named Atal Tunnel, Rohtang. The 9.02 kilometres long engineering marvel connects Manali in Himachal Pradesh to Lahaul-Spiti throughout the year. Currently, the area remains cut off for about 6 months each year owing to heavy snowfall and inclement weather. The Atal tunnel has huge strategic significance as it will greatly assist in the movement of armed forces.

News English Title: Rohtang tunnel Sonia Gandhi lays foundation stone in 2010 Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.