राष्ट्रपती भवनात कोरोनाचा रुग्ण, १२५ कुटुंब क्वारंटाईन

महाराष्ट्रनामा.कॉम | Updated: 5 वर्षांपूर्वी | By
Deprecated: Function get_author_name is deprecated since version 2.8.0! Use get_the_author_meta('display_name') instead. in /var/www/html/staging.maharashtranama.com/wp-includes/functions.php on line 6114
महाराष्ट्रनामा न्यूज नेटवर्क

Covid 19, Rashtrapati Bhavan, Corona Crisis

नवी दिल्ली, २१ एप्रिल: कोरोनाचा सामना करण्यासाठी देश सज्ज झाला असून खबरदारीचे सर्व उपाय केले जात आहेत. मात्र तरीही देशातील कोरोनाग्रस्तांचा आकडा हा दिवसेंदिवस वाढत आहे. भारतातील कोरोनाग्रस्तांची संख्या वाढून हा आकडा आता तब्बल १८ हजारांवर गेला असल्याची माहिती मिळत आहे. गेल्या २४ तासांत देशभरात कोरोनामुळे ४७ जणांना आपला जीव गमवावा लागला आहे तर १ हजार ३३६ कोरोनाचे नवे रुग्ण आढळले आहेत. यामुळे देशातील एकूण कोरोनाग्रस्तांची संख्या १८ हजार ६०१ वर पोहचली आहे. तर ५९० जणांचा मृत्यू झाला आहे. १४ हजार ७५९ जणांवर सध्या रुग्णालयात उपचार सुरू असून ३२५२ लोकांना उपचारानंतर घरी पाठण्यात आले आहे.

दरम्यान, राष्ट्रपती भवनात काम करणाऱ्या एका कर्मचाऱ्याला कोरोना विषाणूची लागण झाल्याचं समोर आल्यानंतर इथे काम करणाऱ्या किमान १०० लोकांनी स्वत:ला क्वारंटाईन करुन घेतले आहे, अशी माहिती एएनआय या वृत्तसंस्थेनं सुत्रांच्या हवाल्यानं दिली आहे.

राष्ट्रपती भवनात काम करणाऱ्या एका कर्मचाऱ्याला कोरोना विषाणूची लागण. गेट क्रमांक ७० येथे राहणाऱ्या किमान १२५ कुटुंबांना घरीच क्वारंटाइन होण्यास सांगण्यात आलं आहे, अशी माहिती एएनआय या वृत्तसंस्थेनं दिली आहे.

(Source ANI)#coronavirusinindia pic.twitter.com/9HwIevBKoQ

— महाराष्ट्रनामा न्यूज (@MahanamaNews) April 21, 2020

गेट क्रमांक ७० येथे राहणाऱ्या किमान १२५ कुटुंबांना घरीच क्वारंटाइन होण्यास सांगण्यात आलं आहे, अशीही माहिती वृत्तसंस्थेनं दिली आहे. महाराष्ट्रापाठोपाठ दिल्लीत कोरोनाचे सर्वाधिक रुग्ण आहे, मंगळवार सकाळपर्यंत दिल्लीत हा आकडा २५०० च्या आसपास पोहोचला होता. दिल्लीत कंटेनमेंट झोनची संख्याही वाढवण्यात आली आहे ही संख्या ७९ वरुन ८४ करण्यात आली आहे.

News English Summary: An employee at the Rashtrapati Bhavan has been quarantined by at least 100 people working here after reports of a coronary virus infection, sources in the ANI news agency reported.

News English Title: Story 125 families in quarantine after Covid19 case emerges in Rashtrapati Bhavan Corona Crisis News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.