काँग्रेसकडून केल्या जाणाऱ्या वक्तव्यामुळे पोलिसांच्या मनोधैर्यावर परिणाम: प्रकाश जावडेकर

नवी दिल्ली: दिल्लीत झालेल्या हिंसाचाराला केंद्रीय गृहमंत्री अमित शाह जबाबदार आहेत. त्यांनी जबाबदारी स्वीकारुन तात्काळ राजीनामा द्यावा अशी मागणी काँग्रेस अध्यक्ष सोनिया गांधी यांनी केली आहे. त्या पत्रकार परिषदेत बोलत होत्या. दिल्लीत झालेला हिंसाचार चिंतेचा विषय असून, केंद्राने जाणीवपूर्वक ७२ तासात कारवाई केली नाही असा आरोप काँग्रेसने केला आहे.

भारतीय जनता पक्षाच्या नेत्यांनी भावना भडकतील अशी भाषणे करत द्वेष पसरवण्याचे काम केले असा थेट आरोप सोनिया गांधी यांनी पत्रकार परिषदेत केला. भाजपच्या नेत्यांनी दिल्लीतील पोलिसांनी तीन दिवसांची मुदत देत, यानंतर जे काही होईल त्याबद्दल आम्हाला सांगू नका अशी चिथावणीखोर वक्तव्ये केली, असे सांगत या हिंसाचारात २० पेक्षा अधिक लोकांचे बळी गेल्याचे सोनिया गांधी म्हणाल्या.

मागील ३ दिवसांपासून दिल्लीत हिंसाचार भडकलेला असताना गृहमंत्री अमित शहा कुठे होते असा सवालही त्यांनी केला. भाजपच्या काही नेत्यांच्या चिथावणीखोर वक्तव्यामुळेच हा हिंसाचार भडकला असंही त्यांनी सांगितलं. पंतप्रधान गेली तीन दिवस कुठे होते असा सवालही त्यांनी केला. दिल्ली सरकारलाही परिस्थिती नियंत्रण आणण्यास अपयश आल्याचं त्यांनी सांगितलं. अमित शहा यांनी जबाबदारी स्विकारून राजीनामा द्यावा अशी मागणीही त्यांनी केली.

दरम्यान, दिल्लीतील सध्याच्या परिस्थितीला केंद्रीय गृहमंत्री अमित शाह जबाबदार आहेत. त्यांनी तात्काळ राजीनामा द्यावा अशी मागणी काँग्रेस अध्यक्ष सोनिया गांधी यांनी केली. या आरोपाला केंद्रीय मंत्री आणि भाजपाचे नेते प्रकाश जावडेकर यांनी उत्तर दिले आहे.

अमित शाह कुठे आहेत म्हणून ते विचारतात? त्यांनी काल सर्वपक्षीय बैठक घेतली. त्यावेळी काँग्रेसचे नेते सुद्धा तिथे उपस्थित होते. गृहमंत्र्यांनी पोलिसांना निर्देश दिले व त्यांचे मनोधैर्यही वाढवले. काँग्रेसकडून केल्या जाणाऱ्या वक्तव्याचा पोलिसांच्या मनोधैर्यावर परिणाम होत आहे असे प्रकाश जावडेकर म्हणाले.

Union Minister & BJP leader Prakash Javadekar: Congress president Sonia Gandhi’s statement is unfortunate & condemnable. At such times all parties should ensure that peace is maintained, blaming the government instead is dirty politics. Politicising this violence is wrong https://t.co/BngL9ZLeVE pic.twitter.com/z20bsw3eKH

— ANI (@ANI) February 26, 2020

News English Summery: Union Home Minister Amit Shah is responsible for the current situation in Delhi. Congress president Sonia Gandhi demanded that she resign immediately. Union Minister and BJP leader Prakash Javadekar has responded to the allegation. Where is Amit Shah, he asks? He held a bilateral meeting yesterday. Congress leaders were also present at that time. The Home Minister directed the police and also increased their mood. Prakash Javadekar said that the statements made by the Congress were affecting the mood of the police.

Web Title: Story congress president Sonia Gandhi’s allegations are unfortunate condemnable says Union Minister Prakash Javdekar.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.