बैठक झालेल्या आमदाराची कोरोना चाचणी पॉझिटिव्ह; गुजरातचे मुख्यमंत्री होम क्वारंटाईन

गांधीनगर, १५ एप्रिल: मंगळवारी काँग्रेसचे आमदार इम्रान खेडावाला यांची कोरोना चाचणी पॉझिटिव्ह आल्यामुळे गुजरातमध्ये एकच खळबळ उडाली. तसेच, मुख्यमंत्री विजय रुपाणी आणि उपमुख्यमंत्री नितीन पटेल यांच्यासोबत इम्रान खेडावाला यांची बैठक झाली होती. त्यामुळे विजय रुपाणी यांची कोरोनाची चाचणी करण्यात आली.

विजय रुपाणी यांनी आज सकाळी डॉ. आर. के. पटेल आणि डॉ. अतुल पटेल यांच्याकडून आपल्या आरोग्याची तपासणी करून घेतली. त्यांची तब्येत ठिक आहे. मात्र, सध्या ते व्हिडीओ कॉन्फरन्सिंग, व्हिडीओ कॉलिंग आणि टेलिफोन कॉलच्या माध्यमातून काम करत आहेत. तसेच, पुढील आठवड्यापर्यंत कोणालाही मुख्यमंत्र्यांच्या निवासस्थानी भेटण्यास परवानगी देण्यात आली नाही, असे, मुख्यमंत्र्यांचे सविच अश्विनी कुमार यांनी सांगितले.

मुख्यमंत्र्यांसोबत पार पडलेल्या बैठकीत नियमांचं योग्य पालन करण्यात आल्याचं दिसत आहे. सर्वांनी मास्क घातले होते तसंच सोशल डिस्टन्सिंगचं पालन करत एकमेकांमध्ये अंतर ठेवून बसले होते. मुख्यमंत्र्यांसोबत या बैठकीत इतर काही मंत्रीही उपस्थित होते. गुजरातमध्ये आतापर्यंत करोनाचे ६१७ रुग्ण सापडले असून ५५ जणांवर उपचार करुन त्यांना घरी सोडण्यात आलं आहे. तर २६ जणांचा मृत्यू झाला आहे.

News English Summary: On Tuesday, Congress MLA Imran Khedwala’s Gujarat Corona test-positive caused a stir in Gujarat. Also, Imran Khedwala had a meeting with Chief Minister Vijay Rupani and Deputy Chief Minister Nitin Patel. Therefore, Vijay Rupani was tried for Corona.

News English Title: Story corona virus Gujarat Chief Minister Vijay Rupani isolates himself after meeting Covid 19 positive congress MLA News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.